ಆಲಿಂಗನ

ಪ್ರಥಮ ಪ್ರೇಮದ ಮೊದಲ ಚುಂಬನ

ಮೈಯಲ್ಲಿ ಏನೋ ‌‍ರೋಮಾಂಚನ

ನಿನ್ನ ಪ್ರೀತಿಯ ತೋಳ್ಗಳ ಆಲಿಂಗನ

ಮರೆಯುವಂತೆ ಮಾಡಿದೆ ನನ್ನೇ ನಾ

ಜೋರಾಗಿದೆ ಎದೆಯ ಸದ್ದು

ಬಿಸಿಲಲಿ ಕೂಡ ನಡುಕ ಮೈಯಲಿ

ಭೂಮಿ ಮೇಲೆ ಇದ್ದಂತೆ ಇದ್ದು

ಆಕಾಶದಲಿ ತೇಲುತಿರುವೆ ಮತ್ತಲಿ

ನನಸಾದಂತೆ ನನ್ನ ಕನಸೆಲ್ಲ

ನಾನೀಗ ನಾನಾಗಿ ಉಳಿದಿಲ್ಲ

ಹೊಸತಾಗಿ ಕಾಣುತಿದೆ ನನಗೆಲ್ಲಾ

ನೀನೆ ಆವರಿಸಿರುವೆ ನನ್ನ ಒಳಗೆಲ್ಲಾ

ಸೀರೆ ಉಟ್ಟ ತಾರೆಯೊಂದು ನನಗಾಗಿ ಧರೆಗೆ ಬಂದು

ಜೇನ ಸಿಹಿಯ ತುಟಿಯಲಿ ಕೊಟ್ಟಳು ಮುತ್ತೊಂದು

ನಾ ಕೇಳಲು, ಯಾರೇ ನೀನು ಚೆಲುವೆ…? ಎಂದು

ಅಂದಳು ನಾ ನಿನ್ನ ಅರ್ಧಾಂಗಿ, ಇಂದು ಎಂದೆಂದೂ