ಆಲಿಂಗನ

ಪ್ರಥಮ ಪ್ರೇಮದ ಮೊದಲ ಚುಂಬನ

ಮೈಯಲ್ಲಿ ಏನೋ ‌‍ರೋಮಾಂಚನ

ನಿನ್ನ ಪ್ರೀತಿಯ ತೋಳ್ಗಳ ಆಲಿಂಗನ

ಮರೆಯುವಂತೆ ಮಾಡಿದೆ ನನ್ನೇ ನಾ

ಜೋರಾಗಿದೆ ಎದೆಯ ಸದ್ದು

ಬಿಸಿಲಲಿ ಕೂಡ ನಡುಕ ಮೈಯಲಿ

ಭೂಮಿ ಮೇಲೆ ಇದ್ದಂತೆ ಇದ್ದು

ಆಕಾಶದಲಿ ತೇಲುತಿರುವೆ ಮತ್ತಲಿ

ನನಸಾದಂತೆ ನನ್ನ ಕನಸೆಲ್ಲ

ನಾನೀಗ ನಾನಾಗಿ ಉಳಿದಿಲ್ಲ

ಹೊಸತಾಗಿ ಕಾಣುತಿದೆ ನನಗೆಲ್ಲಾ

ನೀನೆ ಆವರಿಸಿರುವೆ ನನ್ನ ಒಳಗೆಲ್ಲಾ

ಸೀರೆ ಉಟ್ಟ ತಾರೆಯೊಂದು ನನಗಾಗಿ ಧರೆಗೆ ಬಂದು

ಜೇನ ಸಿಹಿಯ ತುಟಿಯಲಿ ಕೊಟ್ಟಳು ಮುತ್ತೊಂದು

ನಾ ಕೇಳಲು, ಯಾರೇ ನೀನು ಚೆಲುವೆ…? ಎಂದು

ಅಂದಳು ನಾ ನಿನ್ನ ಅರ್ಧಾಂಗಿ, ಇಂದು ಎಂದೆಂದೂ

ಪುಟ್ಟ ಕಣ್ಣ ಸನ್ನೆ

ನಿನ್ನ ಜೊತೆ ಶುರುವಾಗಿದೆ ಪ್ರೀತಿಯ ಸಂಬಂಧ

ಎಷ್ಟೇ ಜನ್ಮ ಕಳೆದರೂ ಅಳಿಸಲಾಗದು ಈ ಬಂಧ

ಹೇಳ ತೀರಲಾಗದು ನನಗಾಗುತಿರುವ ಆನಂದ

ಕೊನೆಯವರೆಗೂ ಸಾಗುತಿರಲಿ ನಲ್ಮೆಯ ಅನುಬಂಧ

ನೆನ್ನೆವರೆಗೂ ಒಂಟಿಯಾಗಿ ಇದ್ದೆ ನಾ

ನಿನ್ನ ಸನಿಹದೀ ಪುಳಕಗೊಂಡಿದೆ ಮನ

ಆ ಪುಟ್ಟ ಕಣ್ಣ ಸನ್ನೆಯಲೇ ಕೊಡು ಪ್ರೀತಿಯ ಆಹ್ವಾನ

ನಿನ್ನ ಜೊತೆಯೇ ಕಳೆಯುವೆ ಎಲ್ಲಾ ನಾಳೆಯ ಜೀವನ

ಹೊಸ ಆಸೆ ಚಿಗುರೊಡೆದಿದೆ ನನ್ನ ಮನದಲಿ

ಮಗುವಾಗಿ ಮಲಗುವಾಸೆ ನಿನ್ನ ಮಡಿಲಲಿ

ಬೇರೆಲ್ಲ ಶೂನ್ಯ ನೀನಿರುವಾಗ ಜೊತೆಯಲಿ

ಹಾರೋಣ ಬಾ ಹಕ್ಕಿಗಳಾಗಿ ನೀಲಿ ಬಾನಲಿ

ನನ್ನ ಖುಷಿಯನು ನಿನಗಂಚುವೆ

ನಿನ್ನ ನೋವನು ನಾ ಭರಿಸುವೆ

ನಿನ್ನ ಹೊರತು ಬೇರೇನೂ ಈಗ ನಾ ಕಾಣೆ

ನನ್ನೆಲ್ಲಾ ಜನ್ಮಕು ಇನ್ನು ಸಂಗಾತಿ ನೀನೆ

ರಣರಾವಣ

ಇದು ರಣರಂಗ

ರಣರಾವಣರ ಚದುರಂಗ

ಇದು ರಕ್ತಕದನ

ಮಾನವೀಯತೆಯ ದಹನ

ಧನಕಾಗಿ ಕಾದಾಡುವ ಮಾನವ

ಸ್ನೇಹಪ್ರೀತಿಯ ಮರೆತ ದಾನವ

ದ್ವೇಷ ಅಸೂಯೆಯೆ ತುಂಬಿರುವ ಜಗ

ಎಲ್ಲೆಡೆ ಗುನುಗುತಿದೆ ಮತಾಂಧತೆಯ ರಾಗ

ಶಾಂತಿಗಾಗಿ ಪ್ರಾಣ ತೆಗೆವ ಇವರೆಂಥಾ ಇನರು

ಕರುಣೆ ಇಲ್ಲದೆ ರಕ್ತವ ಸುರಿಸುವ ರಕ್ಕಸರು

ಇತಿಹಾಸದ ನಿಜವ ತಿಳಿಯದೆ ಸಾಗುತಿರುವ ಅಂಧರು

ಎಲ್ಲಾ ಧರ್ಮದ ಸಾರವು ಒಂದೇ ಪ್ರೀತೆಯೇ ದೇವರು

ಆ ದೇವರಿಗೂ ಅನಿಸುವುದಿಲ್ಲ ಅಯ್ಯೋ ಪಾಪ

ನೋಡುತ್ತಿದ್ದರೆ ನೀವು ಮಾಡುತಿರುವ ಪಾಪ

ಕಣ್ಣು ತೆರೆದು ನೋಡಿ ಇರುವುದು ಒಂದೇ ಧರ್ಮ ಮನುಕುಲ

ಇಲ್ಲಿ ಇರುವಷ್ಟು ದಿನ ಹಂಚಿಕೊಂಡು ಬಾಳೋಣ ನೆಲ-ಜಲ

ಹೊಸ ಗುರುತಾಗಿ

ಮನಸುಗಳು ಒಂದಾದ ಮೇಲೆ

ಎರಡನೇ ಮಾತೇತಕೆ…

ಉಸಿರುಗಳು ಬೆರೆತಾದ ಮೇಲೆ

ಇನ್ನು ಭಯವೇತಕೆ…

ನೀನು ನಾನಾಗಿ…

ನಾನು ನೀನಾಗಿ…

ಬಾಳೋಣ ಕೂಡಿ ಒಂದಾಗಿ

ನವ ಪ್ರೇಮಿಗಳಿಗೆ ಹೊಸ ಗುರುತಾಗಿ

ಪ್ರೇಮಲೋಕಕೆ ಹೊಸಗೀತೆಯ ಸಾರೋಣ

ಪ್ರೀತಿ ಸ್ನೇಹಕೆ ಹೊಸ ಅರ್ಥವ ನೀಡೋಣ

ಜಾತಿ ಭೇದಬಾವಕೆ ಇಲ್ಲಿ ಇಲ್ಲ ಜಾಗವೂ

ಪ್ರೀತಿ ಮುಂದೆ ಪ್ರೇಮಿಗಳಿಗೆ ಎಲ್ಲ ಶೂನ್ಯವೂ

ಪ್ರೀತಿ ಎಂದರೆ ಕೂಡಿ ಬಾಳುವುದು

ದ್ವೇಷ ಭಾವವ ಮೆಟ್ಟಿ ನಿಲ್ಲುವುದು

ಲೋಕ ನಿಂತಿರುವುದು ಪ್ರೀತಿ ನಂಬಿಕೆ ಮೇಲೇನೆ

ಎಲ್ಲ ಅಳಿದರೂ ಉಳಿಯುವುದು ಪ್ರೀತಿ ಒಂದೇನೆ

ಪರವಶನಾದೆ

ಪ್ರತಿಕ್ಷಣವೂ ಹೊಸತರಂತೆ

ಚಿಗುರುತಿರುವ ಹಸಿರಿನಂತೆ

ಈ ಮಾಯೆಯ ನಂಬೋದು ಹೇಗೆ?

ಮನದ ಮಾತನು ಹೇಳೋದು ಹೇಗೆ?

ಪದಗಳೇ ಸಿಗದಂತಾಗಿದೆ

ನನ್ನ ಸಂಭ್ರಮವ ವರ್ಣಿಸಲು

ನಿನ್ನ ಪ್ರೀತಿಗೆ ನಾ ಪರವಶನಾದೆ

ನನ್ನೆಲ್ಲಾ ನಾಳೆಯೂ ನಿನಗೆ ಮೀಸಲು

ನಿನ್ನ ನೋವಿಗೆ ನಾ ಜೊತೆಯಾಗುವೆ

ನೀ ನಗುತ್ತಿದ್ದರೆ ನಾ ಜಗವಾಳುವೆ

ನೀ ನೆನೆದರೆ ಎದುರು ಹಾಜರಾಗುವೆ

ನಿನ್ನ ಮಡಿಲಲ್ಲಿ ಮಗುವಾಗುವೆ

ನನ್ನ ಜೀವ… ನಿನ್ನ ಜೀವ…

ಸೇರಿದರೆ ಅದೇ ತಾನೆ ಪ್ರೇಮ

ಒಂದೇ ನೋಟ… ಒಂದೇ ಭಾವ…

ಹೀಗೆ ಒಟ್ಟಾಗಿರೋಣ ಪ್ರತಿ ಜನ್ಮ

ಗೊಂಬೆ

ಸೀರೆಯುಟ್ಟ ಸಕ್ರೆ ಗೊಂಬೆಯಂತೆ ನೀನು

ಇರುವೆಯಂತೆ ನಾ ಬಳಿ ಬಂದ್ರೆ ತಪ್ಪೇನು

ತೇಲುವ ಮೋಡದಂತೆ ಚಲಿಸುವಾಗ ನೀನು

ಗಾಳಿಯಂತೆ ನಾ ಬಂದು ಹೊತ್ತೊಯ್ಯುವೆನು

ಏನೋ…? ಇದು ಏನು ರೋಗವೋ…?

ಏನೋ…? ಅದು ಏನು ಮಾಯವೋ…?

ಓರೆ ನೋಟದಲ್ಲಿ ಕದ್ದು ಕದ್ದು ನನ್ನ ನೋಡಿ ಕೊಲ್ಲುತಿರುವೆ

ಮಿಂಚಿನ ಹೊಳಪನು ಪುಟ್ಟ ಕಣ್ಗಳಲಿ ಹೇಗೆ ಹಿಡಿದಿಟ್ಟಿರುವೆ

ನನ್ನೆದೆಯ ಮೇಲೆ ನಿಂತು ನಾಟ್ಯವಾಡಿ

ಹಣೆ ಮೇಲೊಂದು ಸಿಹಿಮುತ್ತನು ನೀಡಿ

ನಿನ್ನ ತೋಳ್ಗಳಲ್ಲಿ ನನ್ನ ಬಿಗಿದಪ್ಪಿ ಹಿಡಿದು

ಕರೆದೊಯ್ದೆ ಪ್ರೀತಿಯ ಲೋಕಕೆ ನನ್ನ ಇಂದು

ನಿನ್ನ ಭೇಟಿಮಾಡುವ ಕ್ಷಣವ ನೆನೆದು ನೆನೆದು

ಆಯಾಸ ಎನ್ನುವ ಪದವೆ ಹೋಗಿದೆ ಮರೆತು

ನದಿಯಂತೆ ಓಡಿ ನಿನ್ನ ಸೇರುವಾಸೆ ಎಲ್ಲೂ ನಿಲ್ಲದೆ

ನನ್ನ ಪ್ರತಿ ಕಣಕಣವೂ ನಿನ್ನ ಸೇರಲು ಹೆಜ್ಜೆ ಹಾಕಿದೆ

ನಾಜೂಕು ನಾರಿ

ಬಳೆಗಳ ಸದ್ದಲಿ ಹೃದಯವ ಬಂಧಿಸಿ

ಕಾಲ್ಗೆಜ್ಜೆ ನಾದದಿ ಮನವ ತೇಲಿಸಿ

ಬೆಳದಿಂಗಳ ನಗುವ ಸೂಸಿ ಜಗವ ಮರೆಸಿದೆ

ನಾಜೂಕಾದ ನಡುವಲ್ಲಿ ನನ್ನನ್ನೇ ಸೆರೆ ಮಾಡಿದೆ

ಕೆಂಪು ಗುಲಾಬಿಯಿಂದ ಬಣ್ಣವ ತಂದು

ಹಾಲ್ಗೆನ್ನೆಗೆ ತಿದ್ದಿ ತೀಡಿದಂತೆ ಇಂದು

ಮುದ್ದು ತರಿಸುತ್ತಿದೆ ಈ ನಿನ್ನ ಅಂದ

ಬ್ರಹ್ಮ ಒಮ್ಮೆ ಕಚ್ಚಿ ರುಚಿ ನೋಡು ಎಂದ

ನನ್ನ ಕನಸಿನ ಅಂದದ ರಾಜಕುಮಾರಿ

ಬಳ್ಳಿಯಂತೆ ಬಳುಕುವ ನಾಜೂಕು ನಾರಿ

ನನ್ನಾಸೆಗಳಿಗೆ ರೆಕ್ಕೆ ತರಿಸಿದ ಪೋರಿ

ನಿನ್ನ ಕಣ್ಣ ಕೊಳದಲಿ ಬಿದ್ದೆ ನಾ ಜಾರಿ

ಸೀರೆ ಸೆರಗನ್ನೆ ಸೂತ್ರವ ಮಾಡಿಬಿಟ್ಟು

ಗಾಳಿಪಟದಂತೆ ನನ್ನ ಹಾರಿಸಿದೆ

ನೆರಿಗೆಯಂಚಲ್ಲಿ ಸೆರೆಯಾಳಾಗಿ ಇಟ್ಟು

ನಿನ್ನ ಮುದ್ದಾಡುವ ಶಿಕ್ಷೆ ವಿಧಿಸಿದೆ

ಎಕ್ಸಾಮ್

ಎಕ್ಸಾಮ್ ಅನ್ನೋ ಭಯ ಕಾಡ್ತಾ ಇದೆಯಲ್ಲ

ಟೆನ್ಶನ್ ಅಲ್ಲಿ ಏನೂ ಓದೋಕ್ ಆಗ್ತಿಲ್ಲ

ಹುಚ್ಚು ಮನಸು ಮಾತೇ ಕೇಳ್ತಾ ಇಲ್ಲ

ಭಯದಲ್ಲಿ ನಡುಗ್ತಾ ಇದೆ ಮೈಯೆಲ್ಲ

ಬರೀ 10^th ಅಲ್ಲ, ಇದು ನಿನ್ನ ಫ್ಯೂಚರ್ ಲೈಫು

ಪಿಯುಸಿ ಅಲ್ಲ, ಅದು ಲೈಫ್ಗೇ ಟರ್ನಿಂಗ್ ಪಾಯಿಂಟು

ಅಂತ ಎಲ್ಲಾ ದೊಡ್ಡೋರು ಹೇಳ್ತಾರಲ್ಲ

ಡೈಲಿ ರಿಪೀಟ್ ಮಾಡಿ ತಲೆ ತಿಂತಾರಲ್ಲ

ಅವರು ಹೇಳೋ ಮಾತಿನಲ್ಲೂ ಸತ್ಯ ಇದೆ

ಕೊನೆತನಕ ಇರೋದು ಅಂದು ಕಲಿತದ್ದೆ

ಎಲ್ಲೆ ಹೋದ್ರು ವಿದ್ಯೆಗೆ ಹೆಚ್ಚು ಮರ್ಯಾದೆ

ದುಡ್ಡೇ ದೊಡ್ಡಪ್ಪ ಆದ್ರೆ ಅದರಪ್ಪ ಈ ವಿದ್ಯೆ

ಕಾಲೇಜ್ ಲೈಫ್ ಅಂದ್ರೆ ಎಲ್ರುಗೂ ಇಷ್ಟ

ಎಕ್ಸಾಮ್ಸ್ ಬಂದ್ರೆ ಮಾತ್ರ ಬಲು ಕಷ್ಟ

ಟೀಚರ್ಸ್ ಎಲ್ಲ ಆಗ ಫ್ಲೈ ಫ್ಲೈ ಫ್ಲೈ

ಸ್ಟೂಡೆಂಟ್ಸ್ ಮಾತ್ರ ಕ್ರೈ ಅಂಡ್ ಫ್ರೈ

ರಿಸಲ್ಟ್ಸ್ ಅಂದ್ರೆ ಭಯ ಆಗತ್ತಲ್ಲ

ಆ ಟೆನ್ಶನ್ನ ತಡ್ಕೊಳೋಕ್ ಆಗಲ್ಲ

ರಿಲೇಟಿವ್ಸ್ ಜೊತೆಗೆ ಪ್ರಾಣ ತಿಂತಾರಲ್ಲ

ಅಕ್ಪಕ್ಕದ್ ಮನೆಯವರ್ ಬಾಯಿಗೆ ಬೀಗ ಇಲ್ಲ

ರಿಸಲ್ಟ್ಸ್ ಅನ್ನೋ ಹೆಸರಲ್ಲಿ ಪ್ರಾಣ ಹಿಂಡ್ತಾರಲ್ಲ

ಆ ಟೆನ್ಶನ್ ಭಯದಲ್ಲೂ ಒಂಥರಾ ಕಿಕ್ಕು ಐತಲ್ಲ

ಓದಿನಲ್ಲಿ ಏನಿದೆ

ಎಲ್ಲವನ್ನು ಓದುವಾಸೆ ಆದರೆ

ತಲೆಯಲ್ಲಿ ಸಾವಿರಾರು ಯೋಚನೆ

ಟಾಪರ್ ಆಗೋಣ ಅಂದುಕೊಂಡರೆ

ಓದೋಕೆ ಒಂದಿಲ್ಲೊಂದು ಅಡಚಣೆ

ಈ ಸಬ್ಜೆಕ್ಟ್ಸ್’ಗಳು ಅದ್ಯಾಕೆ ಹೀಗೆ

ಇವುಗಳನ್ನ ಓದಿ ಪಾಸ್ ಆಗೋದಾದ್ರು ಹ್ಯಾಗೆ

ಎಷ್ಟೇ ಕಷ್ಟಪಟ್ಟು ಓದಿದ್ರೂ ಲಕ್ಕು ಇರಬೇಕಪ್ಪ

ಗುರಿಯ ತಲುಪಲು ಒಳ್ಳೆ ಗುರುವು ಬೇಕಪ್ಪ

ಪ್ರತಿದಿನ ರಾತ್ರಿ-ಹಗಲು ಕಷ್ಟಪಟ್ಟು ಓದಿದೆ

ಎಲ್ಲ ಮುಗಿದಮೇಲೆ ಅನಿಸಿತು ಓದಿನಲ್ಲಿ ಏನಿದೆ

ಬ್ರೈನ್ ಎಂಬ ಗ್ರೌಂಡಿನಲ್ಲಿ ಪಿಚ್ ಹಾಳು ಮಾಡುವಂತೆ

ಸಬ್ಜೆಕ್ಟ್ಸ್’ಗಳು ಕಾಡ್ತಿವೆ ಸ್ಕೆಚ್ ಹಾಕದೆ ಸಾಯಿಸ್ತಿವೆ

ಹೆಲೋ ಟೀಚರ್ಸ್ ಯಾಕೆ ಹೀಗೆ ಮಾಡ್ತೀರ

ಸಾಯೋ ಥರಾ ಯಾಕೆ ಟಾರ್ಚರ್ ಕೊಡ್ತೀರ

ಫೈಲ್ ಆದ ಸ್ಟೂಡೆಂಟ್’ಗಳಿಗು ಲೈಫು ಐತ್ರಪ್ಪ

ಬರೀ ಓದಿ ಮಾರ್ಕ್ಸ್ ತೆಗೆಯೋದೆ ಸಾಧನೆ ಅಲ್ರಪ್ಪ

ಸ್ಟೂಡೆಂಟ್ಸ್ - ಟೀಚರ್ಸ್

ಬುಕ್ಕು ಪೆನ್ನು ಸ್ಟೂಡೆಂಟ್ಸ್ ಕೈಯಲ್ಲಿ

ಜೇಡಿ ಮಣ್ಣು ಟೀಚರ್ಸ್ ತಲೆಯಲ್ಲಿ

ಪಾಠ ಮಾಡಬೇಡಿ ಸ್ವಲ್ಪ ತಡೀರಿ

ಕ್ಲಾಸ್ ರೂಮಿಂದ ಹೊರಗೆ ನಡೀರಿ

ಒಳ್ಳೆ ಟೀಚರ್ ಬಂದ್ರು ಅಂದ್ರೆ

ಕತ್ತೆ ಕೂಡ ಪಾಸಾಗುವುದು

ಸತ್ತರೂನು ಬರೋದಿಲ್ಲ ಅಂತ ಟೀಚರು

ನಾವೇ ಓದ್ಕೊಬೇಕು ತಟ್ಕೊಂಡು ಇವರ ಟಾರ್ಚರು

ಒಳ್ಳೆ ಟೀಚರ್ ಬರ್ತಾರೆ ಅನ್ನೋ ನಂಬಿಕೆ ಇಟ್ಕೊಂಡು

ಹೋಗಿ ಸೇರಬೇಕು ಕ್ಲಾಸ್’ರೂಂ ಎಂಬ ಸುಡುಗಾಡು

ಒಳಗ್ಹೋಗಬೇಡಿ ಅಷ್ಟುಬೇಗ ಸ್ವಲ್ಪ ತಡೀರಿ

ಫ್ರೆಂಡ್ಸ್’ಗೆ ಹೇಳಿ ಪ್ರಾಕ್ಸಿ ಹೋಡೀರಿ

ಯಾವ ಟಾಪಿಕ್ ಅರ್ಥ ಆಯ್ತು

ಯಾವ್ದು ಅರ್ಥ ಆಗ್ದೆ ಹೋಯ್ತು

ಹೇಳುವುದು ಹೇಗೆ ಜ್ಞಾಪಕ ಮಾಡಿಕೊಂಡು

ಸುಮ್ನೆ ಓದಬೇಕು ಎಲ್ಲವನ್ನು ಮುಚ್ಕೊಂಡು

ಎಕ್ಸಾಮ್ಗೆ ಮಾತ್ರ ಓದೋದು ನಾವು

ಹೆದ್ರೋದಿಲ್ಲ ಹತ್ತಿಪ್ಪತ್ತು ಮಾರ್ಕ್ಸ್ ಕಳ್ಕೊಂಡ್ರು

ಫೇಲು ಬ್ಯಾಕು ಆದ್ರೆ ಆಗ್ಲಿ ಬಿಡಿ

ದೇವ್ರಿದಾನೆ ಸಪ್ಲಿಮೆಂಟ್ರಿ ಕಟ್ಟಿಬಿಡಿ

ಒಂಥರದ ಆಸೆ

ಅದೇನೋ ಒಂಥರದ ಆಸೆ

ಬದಲಾಗುತಿದೆ ನನ್ನ ವರಸೆ

ಹೇಳಲು ಒದ್ದಾಡುತಿದೆ ಮನಸು

ಹಗಲಲ್ಲೂ ಬೀಳುತಿದೆ ಕನಸು

ಹಗಲೆಲ್ಲ ಇರುಳಂತಾಗಿ

ತಣ್ಣನೆ ಗಾಳಿಗೆ ತಲೆದೂಗಿ

ಮನಸು ನಿನ್ನನೇ ಕೂಗಿ

ಹಾಡಿದೆ ಕೋಗಿಲೆಯಾಗಿ

ಈ ಪ್ರೀತಿಯ ಹಾಡನು ಕೇಳಿ

ಆ ಚಂದಿರ ಬಂದು ನನ್ನ ಬಳಿ

ಕೇಳಿದ… ಯಾರು ಆ ಬೆಡಗಿ?

ತೋರಲು ನಿನ್ನ… ನೋಡುತ ನಿಂತ ಬೆರಗಾಗಿ

ಕಣ್ಣೆರೆಡು ಸಾಲದು ನಿನ್ನಂದ ನೋಡಲು

ನಾನಾಗಬಾರದಿತ್ತೆ ನೂರು ಕಣ್ಣ ನವಿಲು

ನಿನ್ನ ಸೊಬಗ ಕಂಡು ನಾಚಿದೆ ಕಾಮನಬಿಲ್ಲು

ಇನ್ನೆಷ್ಟು ವರ್ಣಿಸಲಿ ಮುಗಿದಿವೆ ಪದಗಳು

ಇವರು ನಮ್ಮ ದೇಶದ ಹೆಣ್ಮಕ್ಳೇನಾ?

ಚೂರೂ ಇಲ್ಲ ನಾಚಿಕೆ ಮಾನ

ಇವರು ಬಿಟ್ಟಿದ್ದಾರೆ ಎಲ್ಲವನ್ನ

ಕೇಳೋದೇ ಇಲ್ಲ ಒಳ್ಳೆಯದನ್ನ

ಮಾಡೋದು ಬರೀ ಅನಾಚಾರವನ್ನ

ಆಡೋದಿಲ್ಲ ಒಂದೂ ಒಳ್ಳೇ ಮಾತನ್ನ

ಸ್ವಲ್ಪವೂ ಇಲ್ಲ ತಾಳ್ಮೆ ಸಮಾಧಾನ

ಇವರು ಕಲಿಯೋಲ್ಲ ಬದುಕೊದನ್ನ

ಬದಲಾಯಿಸಲು ಆಗಲ್ಲ ಇವರನ್ನ

ಮೂಗ್ಮೇಲೇ ಹಿಡ್ಕೋಂಡಿರ್ತಾರೆ ಕೋಪಾನಾ

ತುಂಬಾ ಚೆನ್ನಾಗಿ ಮಾಡ್ತಾರೆ ನಾಟಕಾನಾ

ಮುಖದ ತುಂಬಾ ಹಚ್ಕೋತಾರೆ ಬಣ್ಣಾನ

ಮಾತಲ್ಲೇ ಮಾಡ್ತಾರೆ ಎಲ್ರಿಗು ಮೋಡಿನಾ

ಇವರಿಂದ ಕಲಿಬೇಕು ಹೇಳೋದು ಸುಳ್ಳನ್ನ

ನಂಬಿಂದ್ರೆ ಅಲ್ಲಿಗೆ ಮುಗಿಯಿತು ನಮ್ ಜೀವ್ನ

ಬಂಡೆಗೆ ಹೋಗಿ ಚಚ್ಕೋಬೇಕು ತಲೆಯನ್ನ

ಬಿಟ್ರೆ ತಕ್ಕೋತಾರೆ ಹೆಣದ ಮುಂದೆ Selfieನ

ಮಾಡೋದು ಬರೀ ಬಿಟ್ಟಿ ಶೋಕೀನ

ದುಡ್ಡು ಅಂದ್ರೆ ಬಿಡ್ತಾರೆ ದೊಡ್ಡದಾಗಿ ಬಾಯನ್ನ

ಇವರದು ಒಂದು ಜೀವನಾನ?

ದೇವ್ರೇ ಹೇಳ್ಬೇಕು ಈ ಪ್ರಶ್ನೆಗೆ ಉತ್ತರಾನ

ರೂಢಿಸಿಕೊಂಡಿದ್ದಾರೆ ಕೆಟ್ಟ Natureನ

ಮರೆತು ಬಿಟ್ಟಿದ್ದಾರೆ ನಮ್ಮ Cultureನ

ಇವರು ನಮ್ಮ ದೇಶದ ಹೆಣ್ಮಕ್ಳೇನಾ?

ಹೇಗೆ ಕೊಡೋದು ಇವರಿಗೆ Respect’ನ?