ಮಾತು ಮರೆತ ಮೌನಿ ನಾನು

ನಿನ್ನ ಉಸಿರಲಿ ನಾ ಜೀವಿಸುವೆ

ನಿನ್ನ ನಗುವಲಿ ಉಸಿರಾಡುವೆ

ಪ್ರತಿ ಬಾರಿ ನಿನ್ನ ಕಂಡಾಗ

ಮೂಡುವುದು ಹೊಸರಾಗ

ಮೌನ ಮಾತಾಗಿ, ಮಾತು ಹಾಡಾಗಿ

ಹಾಡಿಗೆ ರಾಗ ಬೆರೆತು ಪ್ರೇಮ ಗೀತೆಯಾಗಿ

ಪ್ರತಿ ಪದದಲ್ಲೂ ನಿನ್ನ ನೆನಪೇ ತುಂಬಿರಲು

ಕಾತರದಿಂದ ಕಾಯುತಿವೆ ಕಣ್ಗಳು ನಿನ್ನ ಕಾಣಲು

ಕವಿತೆಯೊಳಗಡಗಿ ಕುಳಿತಿರುವೆ ನೀನು

ಬಿಡಿಸ ಹೋಗಿ ಅಲ್ಲೇ ಸೆರೆಯಾಗಿರುವೆ ನಾನು

ನಿನ್ನೆದುರು ಮಾತು ಮರೆತ ಮೌನಿ ನಾನು

ಹೇಳಲಿ ಹೇಗೆ ತಿಳಿಯದಾಗಿದೆ ಪ್ರೀತಿಯನು

ಕೇಳದಯೆ ಹೋದೆ ನೀನು ಹೇಳುವ ಮುನ್ನ

ನನ್ನ ಮೌನದೊಳಗಿನ ಪ್ರೀತಿಯ ಮಾತುನು

ಮನ ಕೂಗಿ ಜೋರಾಗಿ ಕರೆಯುತಿರಲು ನಿನ್ನ

ಹಿಂತಿರುಗಿ ಬಾರದೆ ಎಲ್ಲಿ ಮರೆಯಾದೆ ನೀನು