ಒಂಥರದ ಆಸೆ

ಅದೇನೋ ಒಂಥರದ ಆಸೆ

ಬದಲಾಗುತಿದೆ ನನ್ನ ವರಸೆ

ಹೇಳಲು ಒದ್ದಾಡುತಿದೆ ಮನಸು

ಹಗಲಲ್ಲೂ ಬೀಳುತಿದೆ ಕನಸು

ಹಗಲೆಲ್ಲ ಇರುಳಂತಾಗಿ

ತಣ್ಣನೆ ಗಾಳಿಗೆ ತಲೆದೂಗಿ

ಮನಸು ನಿನ್ನನೇ ಕೂಗಿ

ಹಾಡಿದೆ ಕೋಗಿಲೆಯಾಗಿ

ಈ ಪ್ರೀತಿಯ ಹಾಡನು ಕೇಳಿ

ಆ ಚಂದಿರ ಬಂದು ನನ್ನ ಬಳಿ

ಕೇಳಿದ… ಯಾರು ಆ ಬೆಡಗಿ?

ತೋರಲು ನಿನ್ನ… ನೋಡುತ ನಿಂತ ಬೆರಗಾಗಿ

ಕಣ್ಣೆರೆಡು ಸಾಲದು ನಿನ್ನಂದ ನೋಡಲು

ನಾನಾಗಬಾರದಿತ್ತೆ ನೂರು ಕಣ್ಣ ನವಿಲು

ನಿನ್ನ ಸೊಬಗ ಕಂಡು ನಾಚಿದೆ ಕಾಮನಬಿಲ್ಲು

ಇನ್ನೆಷ್ಟು ವರ್ಣಿಸಲಿ ಮುಗಿದಿವೆ ಪದಗಳು

ಇವರು ನಮ್ಮ ದೇಶದ ಹೆಣ್ಮಕ್ಳೇನಾ?

ಚೂರೂ ಇಲ್ಲ ನಾಚಿಕೆ ಮಾನ

ಇವರು ಬಿಟ್ಟಿದ್ದಾರೆ ಎಲ್ಲವನ್ನ

ಕೇಳೋದೇ ಇಲ್ಲ ಒಳ್ಳೆಯದನ್ನ

ಮಾಡೋದು ಬರೀ ಅನಾಚಾರವನ್ನ

ಆಡೋದಿಲ್ಲ ಒಂದೂ ಒಳ್ಳೇ ಮಾತನ್ನ

ಸ್ವಲ್ಪವೂ ಇಲ್ಲ ತಾಳ್ಮೆ ಸಮಾಧಾನ

ಇವರು ಕಲಿಯೋಲ್ಲ ಬದುಕೊದನ್ನ

ಬದಲಾಯಿಸಲು ಆಗಲ್ಲ ಇವರನ್ನ

ಮೂಗ್ಮೇಲೇ ಹಿಡ್ಕೋಂಡಿರ್ತಾರೆ ಕೋಪಾನಾ

ತುಂಬಾ ಚೆನ್ನಾಗಿ ಮಾಡ್ತಾರೆ ನಾಟಕಾನಾ

ಮುಖದ ತುಂಬಾ ಹಚ್ಕೋತಾರೆ ಬಣ್ಣಾನ

ಮಾತಲ್ಲೇ ಮಾಡ್ತಾರೆ ಎಲ್ರಿಗು ಮೋಡಿನಾ

ಇವರಿಂದ ಕಲಿಬೇಕು ಹೇಳೋದು ಸುಳ್ಳನ್ನ

ನಂಬಿಂದ್ರೆ ಅಲ್ಲಿಗೆ ಮುಗಿಯಿತು ನಮ್ ಜೀವ್ನ

ಬಂಡೆಗೆ ಹೋಗಿ ಚಚ್ಕೋಬೇಕು ತಲೆಯನ್ನ

ಬಿಟ್ರೆ ತಕ್ಕೋತಾರೆ ಹೆಣದ ಮುಂದೆ Selfieನ

ಮಾಡೋದು ಬರೀ ಬಿಟ್ಟಿ ಶೋಕೀನ

ದುಡ್ಡು ಅಂದ್ರೆ ಬಿಡ್ತಾರೆ ದೊಡ್ಡದಾಗಿ ಬಾಯನ್ನ

ಇವರದು ಒಂದು ಜೀವನಾನ?

ದೇವ್ರೇ ಹೇಳ್ಬೇಕು ಈ ಪ್ರಶ್ನೆಗೆ ಉತ್ತರಾನ

ರೂಢಿಸಿಕೊಂಡಿದ್ದಾರೆ ಕೆಟ್ಟ Natureನ

ಮರೆತು ಬಿಟ್ಟಿದ್ದಾರೆ ನಮ್ಮ Cultureನ

ಇವರು ನಮ್ಮ ದೇಶದ ಹೆಣ್ಮಕ್ಳೇನಾ?

ಹೇಗೆ ಕೊಡೋದು ಇವರಿಗೆ Respect’ನ?

ಸ್ವಲ್ಪ ಲೂಸು

ನನಗಿಷ್ಟ ಬಂದಂತೆ ಹಾಡುವೆನು 

ನನಗನಿಸಿದ್ದು ನಾ ಮಾಡುವೆನು 

ನನಗೆ ನಾನೇ ಮಹಾರಾಜನು 

ಸ್ವಲ್ಪ ಲೂಸು ಸ್ವಲ್ಪ ಟೈಟು ನಾನು 

ನನ್ನ ಬಾಯಿಗೆ ಯಾವುದೇ ಫಿಲ್ಟರ್ ಇಲ್ಲ 

ಬಣ್ಣದ ಮಾತು ಆಡೋದಿಕ್ಕೆ ಬರೋದಿಲ್ಲ 

ಕೇಳೋದಿಲ್ಲ ನಾನು ಯಾರ ಮಾತನು 

ಹೇಳೋದಿಲ್ಲ ಪ್ರಾಣ ಹೋದರು ಸುಳ್ಳನು 

ನೀರಿಲ್ಲದ ನದಿಯಲಿ ಮೀನು ಹಿಡಿಯುವೆ 

ಮರಳುಗಾಡಲಿ ಹೂವನು ಬೆಳೆಯುವೆ 

ಕೊಡೆಯಿಲ್ಲದೆ ನಡೆಯುವೆ ಮಳೆಯಲಿ 

ಬೇಕಿಲ್ಲ ನನಗ್ಯಾರೂ ಜೊತೆಯಲಿ 

ನನ್ನಂಥವರು ಸಿಗುವುದು ಬಲು ಅಪರೂಪ 

ನನ್ನ ಬಗ್ಗೆ ಮಾಡುವ ಮೊದಲು ಆರೋಪ 

ನಿಮಗೆ ತಿಳಿದಿರಲಿ ನೀವು ಮಾಡಿರುವ ಪಾಪ 

ಈ ಜಗವೇ ಒಂದು ದೊಡ್ಡ ಮೃತ್ಯು ಕೂಪ