ಒಂಥರದ ಆಸೆ

ಅದೇನೋ ಒಂಥರದ ಆಸೆ

ಬದಲಾಗುತಿದೆ ನನ್ನ ವರಸೆ

ಹೇಳಲು ಒದ್ದಾಡುತಿದೆ ಮನಸು

ಹಗಲಲ್ಲೂ ಬೀಳುತಿದೆ ಕನಸು

ಹಗಲೆಲ್ಲ ಇರುಳಂತಾಗಿ

ತಣ್ಣನೆ ಗಾಳಿಗೆ ತಲೆದೂಗಿ

ಮನಸು ನಿನ್ನನೇ ಕೂಗಿ

ಹಾಡಿದೆ ಕೋಗಿಲೆಯಾಗಿ

ಈ ಪ್ರೀತಿಯ ಹಾಡನು ಕೇಳಿ

ಆ ಚಂದಿರ ಬಂದು ನನ್ನ ಬಳಿ

ಕೇಳಿದ… ಯಾರು ಆ ಬೆಡಗಿ?

ತೋರಲು ನಿನ್ನ… ನೋಡುತ ನಿಂತ ಬೆರಗಾಗಿ

ಕಣ್ಣೆರೆಡು ಸಾಲದು ನಿನ್ನಂದ ನೋಡಲು

ನಾನಾಗಬಾರದಿತ್ತೆ ನೂರು ಕಣ್ಣ ನವಿಲು

ನಿನ್ನ ಸೊಬಗ ಕಂಡು ನಾಚಿದೆ ಕಾಮನಬಿಲ್ಲು

ಇನ್ನೆಷ್ಟು ವರ್ಣಿಸಲಿ ಮುಗಿದಿವೆ ಪದಗಳು