ಸಿಂಚನ

ಜೋಕಾಲಿಯಂತೆ ಹಾಯಾಗಿ ತೂಗುತಿರುವೆ

ಇಂದು ನಿನ್ನ ಪ್ರೇಮದ ಮಧುರ ತಂಗಾಳಿಗೆ

ಯಾಕಾಗಿ ಇಷ್ಟು ಅಂತರ ನಮ್ಮ ನಡುವೆ

ಎಂದು ಬರುವುದೋ ಮಿಲನಕೆ ಶುಭಗಳಿಗೆ

ಭೂಮಿಗೆ ತಾಕಿದ ಮೊದಲ ಮಳೆ ಹನಿಯಂತೆ

ಸ್ನೇಹ ಸಿಂಚನ ಝಳಪಿಸಿದೆ ಸೋಕಿ ಮಂಜಿನಂತೆ

ಪುಳಕಿಸುತಿದೆ ಮನದೀ ಏನೋ ಹೊಸ ಕಂಪನ

ಒಳನುಸುಳಿ ನನ್ನ ನಸುನಾಚಿಸಿದೆ ಈ ಇಂಪನ

ದಿನ ರಾತ್ರಿ ಸಂದೇಶ ರವಾನೆ ಸಾವಿರಾರು

ಆದರೂ ಉಳಿದಿದೆ ಹೇಳೋಕೆ ಮಾತು ನೂರು

ಯಾರು ಹೆಣೆದರೋ ಕಾಣೆ ನಮ್ಮೀ ಸ್ನೇಹವ

ಬಿಡಿಸಲಾಗದು ಈ ಜನ್ಮ ಜನ್ಮದ ಬಂಧವ