ಸೊಕ್ಕಿನಲಿ ಮೆರೆಯದಿರು ಸಿದ್ಧು

ಯಾರು ತಿಳಿಯರು ನಿನ್ನ ಅಹಿಂದವಾದದ ಧರ್ಮ
ಸದನದೋಳ್ ತೋಳ್ ತಟ್ಟಿದ ನಿನ್ನ ಭಂಡ ಪರಾಕ್ರಮ
ಎಲ್ಲೇ ಹೋದರು ಬೆಂಬಿಡದು ಮಾಡಿದ ಪಾಪಗಳ ಕರ್ಮ

ನಿನ್ನೆಲ್ಲಾ ಸುಖಭೋಗಗಳಿಗೆ ಕಾರಣ ಪ್ರಜೆಗಳು ನೀಡಿದ ಮತ
ಹಗಲಿರುಳು ತಲೆಗಳು ಉರುಳುತ್ತಿದ್ದರೂ ನಿದ್ದೆ ಮಾಡುತ
ದರ್ಪದಿಂದ ಮೆರೆಯುತಿರುವ ಮುಖ್ಯಮಂತ್ರಿ ಸಿದ್ದಣ್ಣ
ನ್ಯಾಯ ಕೇಳುವವರಿಗೆ ಕೊಟ್ಟೆ ಲಾಠಿ ಏಟಿನ ಬಹುಮಾನ

ಜಾತ್ಯಾತೀತ ಶೂರ ನೀ ಅಹಿಂದ ಬಲನೋ
ಹೈಕಮಾಂಡ್’ನೊಡನೆ ಹೋರಾಡಿ ಪದವಿಯಂ ಪಡೆದವನೋ
ರಾಜ್ಯದೊಳೆದುರಾಗೊ ತೊಂದರೆಗಳನ್ ನಿಗ್ರಹಿಸಲಾಗದೆ ಓಡಿದವನೋ
ಅಧಿಕಾರದಾಹೀ

ಅತ್ಯಾಚಾರದ ಚರ್ಚೆ ನಡೆವಾಗ ತೂಕಡಿಸುತ್ತಿದ್ದ ಶೂರೀ
ಲೋಕಾಯುಕ್ತ ಮುಚ್ಚಿಸಿ ಭ್ರಷ್ಟರನು ರಕ್ಷಿಸಿದ ಭ್ರಷ್ಟಾ ನೀನು
ಪ್ರಾಮಾಣಿಕರ ಸಾವಿಗೆ ನ್ಯಾಯ ಕೊಡಿಸದೆ ಅಡಿಗಡಿಗವರ ನಿಂದಿಸಿದ ಕ್ರೂರೀ

ಇನ್ನೂ ಮುಖ್ಯಮಂತ್ರಿಯಾಗಿರುವ ಅರ್ಹತೆ ನಿನಗೆಲ್ಲೋ
ಇನ್ನೆರಡು ವರ್ಷಗಳಿವೆ
ಇನ್ನಾದರೂ ಚೂರಾದರೂ ಬದಲಾಗೋ

ಕಾಗೆಯೊಂದಾರಿ ಬಂದು ಕೂತಿದ್ದಕ್ಕೆ ಕಾರು ಬದಲಿಸಿದ ಮೂಢ
ಮಕ್ಕಳ್ಹೋಗೋ ಕಲಿಕೆ ಪ್ರವಾಸದಲೂ ಜಾತಿ ತರಲೆತ್ನಿಸಿದ ಪ್ರಚಂಡ
ಸರ್ಕಾರದ ಸಕಲ ಯೋಜನೆಯಲೂ ಮೀಸಲಾತಿ ತಂದಿಟ್ಟ ಭಂಡ
ಬೇಕಿಲ್ಲದ ಭಾಗ್ಯಗಳನು ಕರುಣಿಸಿ ಖಜಾನೆ ಖಾಲಿ ಮಾಡಿದ ಪುಂಡ

ಅಹಿಂದನೋ ಮೂಢನೋ ಜಾತ್ಯಾತೀತನೋ ನಿರ್ಧರಿಸುವುದು ನಾವ್ ಮಾಡುವ ಕಾರ್ಯ
ಊರುಗಳೆಲ್ಲಾ ಬಾರುಗಳಾಗುವ ಮೊದಲು ಎಚ್ಛೆತ್ತುಕೊ ಸಿದ್ಧರಾಮಯ್ಯ

ಚರಿತ್ರೆಯೊಳ್ ಉಳುವವರ ಕೆಣಕಿ ಉಳಿದವರಿಲ್ಲ
ನಿನ ಅಂಹಹಾರವೇ ನಿನಗೆ ಮುಳುವಾಗುವ ದಿನ ದೂರವಿಲ್ಲ
ನಿನ್ನೆಲ್ಲಾ ಹುಚ್ಚಾಟಕೆ ಬೆಂದು ಬೇಸತ್ತಿರುವರು ಜನತೆ
ಮೂರು ಕಾಸಿಗೆ ಹರಾಜಾಗುವಂತೆ ಮಾಡಿದೆ ರಾಜ್ಯದ ಘನತೆ

ಅಧಿಕಾರವಿವುದೆಂದು ಸೊಕ್ಕಿನಲಿ ಮೆರೆಯದಿರು ಸಿದ್ಧು
ನೀನೊಂದು ಬಗೆದರೆ ದೈವ ತಾನೊಂದು ಬಗೆವುದು

ನಿನಗಾಗಿ ಒಂದು ಓಲೆ

ನೀ ಹುಟ್ಟಿದ್ದು ಪೌರ್ಣಮಿಯಲ

ನಿನ್ನ ಹೆಸರು ಬೆಳದಿಂಗಳ

ನಿನ್ನ ನಯನ ನಾಚಿಸುತಿವೆ ತಾರೆಗಳ

ನೀ ನಗುವಲೆ ಸುರಿಸುವೆ ಮುತ್ತುಗಳ

ನಿನ್ನೊಡನೆ ಇದ್ದರೆ ಮನಸು ಮರಿಜಿಂಕೆ

ನಿನ್ನ ಸನಿಹ ತರಿಸಿದೆ ನನ್ನಲ್ಲೂ ನಾಚಿಕೆ

ನೀನಿರಲು ಜೊತೆಯಾಗಿ ಬೇರೆಲ್ಲಾ ಏತಕೆ

ನಿನ್ನ ಸಲುಗೆ ತರಿಸಿದೆ ನನ್ನಲ್ಲೂ ಪ್ರೀತಿ ಬಯಕೆ

ನೀ ನೋಡೋ ಪ್ರತಿ ನೋಟವೆಲ್ಲಾ ನಾನಾಗುವಾಸೆ

ನಿನ್ನ ಕಾಣೋ ಕ್ಷಣಕಾಗಿ ಕುಣಿಯುತಿದೆ ನನ್ನ ಮನಸೇ

ನೀನಾಡೋ ಪ್ರತಿ ಮಾತಲೂ ಹೊಸತೆನೋ ಸೊಗಸು

ನಿನ್ನ ಚಂದ ಕಂಡು ಚಂದ್ರನಿಗೂ ಬಂದಿದೆ ತುಸು ಮುನಿಸು

ನಿನಗಾಗಿಯೇ ಬರೆದಿರುವೆ ಈ ಒಲವಿನ ಓಲೆ

ನಿನ ಬಾಳಲಿ ತುಂಬಿರಲಿ ಸಂತೋಷದ ಹೊನಲೆ

ನೀ ನಡೆಯೋ ದಾರಿಯಲಿ ಸುರಿಯುತಿರಲಿ ಹೂಮಳೆ

ನೀನಿರದ ನನ್ನ ಬಾಳು ಇದು ಖಾಲಿ ಬಿಳಿ ಹಾಳೆ

ಸಿಂಚನ

ಜೋಕಾಲಿಯಂತೆ ಹಾಯಾಗಿ ತೂಗುತಿರುವೆ

ಇಂದು ನಿನ್ನ ಪ್ರೇಮದ ಮಧುರ ತಂಗಾಳಿಗೆ

ಯಾಕಾಗಿ ಇಷ್ಟು ಅಂತರ ನಮ್ಮ ನಡುವೆ

ಎಂದು ಬರುವುದೋ ಮಿಲನಕೆ ಶುಭಗಳಿಗೆ

ಭೂಮಿಗೆ ತಾಕಿದ ಮೊದಲ ಮಳೆ ಹನಿಯಂತೆ

ಸ್ನೇಹ ಸಿಂಚನ ಝಳಪಿಸಿದೆ ಸೋಕಿ ಮಂಜಿನಂತೆ

ಪುಳಕಿಸುತಿದೆ ಮನದೀ ಏನೋ ಹೊಸ ಕಂಪನ

ಒಳನುಸುಳಿ ನನ್ನ ನಸುನಾಚಿಸಿದೆ ಈ ಇಂಪನ

ದಿನ ರಾತ್ರಿ ಸಂದೇಶ ರವಾನೆ ಸಾವಿರಾರು

ಆದರೂ ಉಳಿದಿದೆ ಹೇಳೋಕೆ ಮಾತು ನೂರು

ಯಾರು ಹೆಣೆದರೋ ಕಾಣೆ ನಮ್ಮೀ ಸ್ನೇಹವ

ಬಿಡಿಸಲಾಗದು ಈ ಜನ್ಮ ಜನ್ಮದ ಬಂಧವ