ಮನಸೋತೆನಲ್ಲ

ಮಳೆ ಹನಿಗಳು ಭೂಮಿಯ ಚುಂಬಿಸುವ ವೇಳೆ

ಮಿಂಚಿನ ಹೊಳಪಂತೆ ಎದುರು ಬಂದಳಾಕೆ

ನೀಗಿಸುವಂತೆ ಭುವಿಯ ಬಾಯಾರಿಕೆ

ಹರಿಸಿದಳು ಮನದಲ್ಲಿ ಪ್ರೀತಿಯ ಹೊಳೆ

ಮೊಗದಲ್ಲಿ ಸೂರ್ಯನಂತೆ ಹೊಳೆಯುತಿತ್ತು ಬಿಂದಿಗೆ

ಮತ್ತೆ ಮತ್ತೆ ನೋಡುವಂತೆ ಸೆಳೆಯುತ್ತಿತ್ತು ಕಣ್ ಕಾಡಿಗೆ

ಆ ಚೆಂದದ ನಗುವಿಗೆ ಮರುಳಾಗದವರಿಲ್ಲ

ಅವಳ ಸೌಂದರ್ಯಕೆ ನಾ ಮನಸೋತೆನಲ್ಲ

ಹೆಣ್ಣೇ ನೀ ಈ ಭುವಿಯಷ್ಟೆ ಸುಂದರ

ನಿನ್ನೆದುರು ಏನಿಲ್ಲ ಆ ಬಾನ ಚಂದಿರ

ಕೋಗಿಲೆಯ ಸ್ವರದಂತೆ ನಿನ್ನ ಮಾತುಗಳು

ನಿನ್ನ ನಡಿಗೆಯ ಕಂಡು ನಾಚುತ್ತಿವೆ ನವಿಲುಗಳು

ಮುಂಗುರುಳು ಮುಸುಕಾಗುವಂತೆ ಮಾಡಿದೆ ಮುಗಿಲ ಬಿಲ್ಲನ್ನು

ನಿನ್ನ ಸೌಂದರ್ಯದ ಸೆರೆಮನೆಯಲ್ಲಿ ಬಂಧಿಯಾಗಿಸಿದೆ ನನ್ನನ್ನು

ಹರ್ಷ...