ಮೂಕವಿಸ್ಮಿತ

ನಿನ್ನ ಪ್ರೀತಿ ನನಗೆ ಅಚ್ಚರಿಯ ಎಂಟನೆ ಅದ್ಭುತ

ನಿನ್ನ ಸುಂದರ ಚಂದಿರ ಮೊಗವ ನೋಡುತ

ಮಾತು ಮರೆತು ನಾನಾದೆ ಮೂಕವಿಸ್ಮಿತ

ಮನಸುಗಳು ಕಲೆತಿವೆ ಕಣ್ಣಲ್ಲೇ ಮಾತನಾಡುತ

ಕೈ ಬೆರಳುಗಳು ಒಂದನೊಂದು ತಾಕಿ

ನಾ ನಿನ್ನ ನೋಡುತಿರಲು ಕದ್ದು ಇಣುಕಿ

ನೀ ನಸುನಗಲು ನನ್ನ ಕಂಡು ನಾಚಿ

ತಬ್ಬುವಾಸೆ ಎರಡು ತೋಳಲು ಬಾಚಿ

ನೀ ನಗುತಿರಲು ತಾರೆ ಮಿನುಗುವಂತೆ

ಮನಸು ಹೊಸ ಹಾಡನು ಗುನುಗುತಿದೆ

ನೀ ನುಡಿಯುತಿರಲು ಸ್ವಾತಿಮುತ್ತಂತೆ

ಕನಸೂ ಕೂಡ ನಿನ್ನ ಸನಿಹವೇ ಬಯಸಿದೆ

ಜಗದ ಎಲ್ಲಾ ಖುಷಿಯ ನಿನಗೆ ನೀಡಿ

ಹೆಜ್ಜೆ ಹಾಕುತಿರಲು ನಿನ್ನ ಜೊತೆಗೂಡಿ

ಆ ದೇವರಲಿ ಕೇಳುವೆನು ಕೈಮುಗಿದು ಬೇಡಿ

ಇರುವಂತೆ ಮಾಡು ನಾವೆಂದೂ ಹೀಗೆ ಕೂಡಿ

ಸಂಗಮ

ರವಿ ಮುಳುಗುವ ತಿಳಿಗಾಳಿಯ ಸಮಯ

ಆ ಸವಿಸಂಜೆಗೆ ತಲೆದೂಗಿತು ಹೃದಯ

ಬಾನಲಿ ನಲಿಯುತ ಹಾರುವ ಹಕ್ಕಿಗಳ ನೋಡಿ

ಮನಸು ಗರಿಬಿಚ್ಚಿ ಕುಣಿಯಿತು ಅವುಗಳ ಕೂಡಿ

ಸಾಗರದ ಅಲೆಗಳು ಸ್ಪರ್ಶಿಸುತಿರಲು ಪಾದವ

ಕಾಣದೊಂದು ಶಕ್ತಿ ತನ್ನೆಡೆ ಸೆಳೆದಂತ ಅನುಭವ

ಪ್ರತಿ ಬೇಟಿಯಲು ತೀರದ ಹಳೆ ನೆನಪು ಅಳಿಸುವ ಅಲೆ

ನನಗೂ ಕಲಿಸಿಕೊಡಬಾರದೇಕೆ ಈ ನಿನ್ನ ವಿನೂತನ ಕಲೆ

ದೂರ ತೀರದಲಿ ಬಾನು ಕಡಲುಗಳ ಸಂಗಮ

ನೇರ ಹೃದಯವ ತಟ್ಟಿತು ಆ ಮಧುರ ಪ್ರೇಮ

ದೇವರ ಈ ಸುಂದರ ಸೃಷ್ಟಿಗೆ ಸೋತು ಮನ

ಸೃಷ್ಟಿಕರ್ತನಿಗೆ ಹೇಳಿತು ಸಾವಿರ ನಮನ

ಒಂಟಿ ಹೃದಯವು ನಿಸರ್ಗದ ಸಿರಿಗೆ ಸೋತು

ಜಂಟಿಯಾಗ ಬಯಸಿದೆ ಪ್ರಕೃತಿಯಲಿ ಬೆರೆತು

ಏಕಾಂಗಿ ಮನವು ಜೊತೆಗಾಗಿ ಪ್ರೀತಿಯೊಂದ ಕೇಳಲು

ಎಚ್ಚೆತ್ತುಕೊಂಡಿತು ಮನ ಮತ್ತೊಂದು ಅಲೆ ಬಂದು ತಟ್ಟಲು

Happy New Year

ರಾತ್ರಿಯೆಲ್ಲಾ ಕಂಠಪೂರ್ತಿ ಕುಡಿದು

ಸಿಕ್ಕಲ್ಲೆಲ್ಲಾ ಹಚ್ಚಿಸಿ ಪಟಾಕಿ ಸಿಡಿಮದ್ದು

ಬೈಕ್ ಹತ್ತಿ ಊರೆಲ್ಲಾ ರೌಂಡು ಹೊಡೆದು

ಬೆಳಗ್ಗೆ ಹತ್ತಕ್ಕೆ ಹ್ಯಾಂಗೋವರ್ ಅಲ್ಲಿ ಎದ್ದು

Oh Wait… Let’s Say Altogether

A Very Happy New Year…

ಸಿಡಿವ ತಲೆಗೆ ಸುಡುವ ನೀರು ಹಾಕಿ

ಸೊಂಪು ಕೂದಲಿಗೆ ಶ್ಯಾಂಪೂ ಹಚ್ಚಿ ತಿಕ್ಕಿ

ಮನೇಲಿ ಬೈತಾರಂತ ಶಾಸ್ತ್ರಕ್ಕೆ ಸ್ನಾನ ಮಾಡಿ

ಕೈಮುಕ್ಕೊಂಡು ದೇವ್ರಿಗೊಂದು ಸ್ತೋತ್ರ ಹಾಡಿ

Oh Wait… Let’s Say Altogether

A Very Happy New Year…

ಫೋಟೋಗೊಂದು ಪೋಸ್ ಮೇಕಪ್ ಮಾಡ್ಕೊಂಡು

ಕಟ್’ಮಾಡಿದ್ ಕೇಕ್’ನ ಮುಖಕ್ಕೆಲ್ಲಾ ಮೆತ್ಕೊಂಡು

ಫೇಸ್’ಬುಕ್ಕಲ್ಲಿ ಪಿಕ್ಚರ್ಸನೆಲ್ಲಾ ಮಾಡಿ ಉಪ್’ಲೋಡು

ವಾಟ್ಸ್ಯಾಪ್ಪಲ್ಲಿ ಎಲ್ರಿಗೂ ಅದನ್ ಮಾಡಾಯ್ತು ಫಾರ್ವಾಡು

Oh Wait… Let’s Say Altogether

A Very Happy New Year…

ಊರ್’ತುಂಬಾ ಸಂಭ್ರಮದ ಆಚರಣೆಯ ಸದ್ದೆ

ರಾತ್ರಿ ಎಷ್ಟೋತ್ತಾದ್ರು ಆ ಗಲಾಟೆಗೆ ಬರ್ಲಿಲ್ಲ ನಿದ್ದೆ

ಕೆಲ್ಸಕ್ ಹೋಗ್ಬೇಕಲ ಅಂತ ಬೆಳಗ್ಗೆ ಬೇಗ ಎದ್ದೆ

ಎಂದಿನಂತೆ ತಿನ್ನೋಕೆ ರೆಡಿ ಇತ್ತು ಬಸ್ಸಾರು ಮುದ್ದೆ

Oh Wait… Let’s Say Altogether

A Very Happy New Year…

ಒಂದಿಷ್ಟು ಮಂದಿದು ಅದೇನೋ ಪ್ಲಾನು

ಕೆಲವೊಬ್ರುದು ಕುಂತಲ್ಲೆ ಸೆಲೆಬ್ರೇಷನ್ನು

ಒಂದು ವಾರದಿಂದ ಮುಗಿಯದ ಪ್ರಿಪರೇಷನ್ನು

ಷೋ ಆಫ್’ಗೊಂದು ರೆಡಿಮಾಡಿ ರೆಸಲ್ಯೂಷನ್ನು

Oh Wait… Let’s Say Altogether

A Very Happy New Year…

ಮೊಬೈಲ್’ಲಿ ಇದ್ದಿದ್ ನಂಬರ್ಗೆಲ್ಲ ಮಾಡಿ ಮೆಸೇಜು ಕಾಲು

ತಿಳಿಸಿ ಆಯ್ತು ಅವ್ರಿಗೆಲ್ಲಾ ಹೊಸ ವರ್ಷದ ಶುಭಾಷಯಗಳು

ಇದೆಲ್ಲಾ ಜಾಲಿ ಇವತ್ತಿಗಷ್ಟೆ ನೀವ್ ಏನೇ ಹೇಳಿ

ನಾಳೆಯಿಂದ ಮತ್ತದೇ ಖಾಲಿ ಜೀವ್ನ ಮಾಮೂಲಿ

Oh Wait… Let’s Say Altogether

A Very Happy New Year…