ಒಂದೇ ಹಂಬಲ

ಕಾರ್ಮೋಡ ಕೂಡ ಕರಗಿ ನೀರಾಗುವುದು 

ಕಲ್ಲು ಬಂಡೆಯೂ ಸವೆದು ಮಣ್ಣಾಗುವುದು 

ರಣಹದ್ದು ಸಹ ಕ್ಷಣಕಾಲ ಕೆಳಗಿಳಿಯುವುದು 

ನನ್ನ  ಈ ಪ್ರೀತಿ ನಿನಗೆಂದು ತಿಳಿಯುವುದು 

ಕಡಲು ತೀರವನ್ನು ಮತ್ತೆ-ಮತ್ತೆ ಬಂದು ತಾಕುವಂತೆ 

ಸೂರ್ಯನ ಕಿರಣ ಬಿಡದೆ ಭೂಮಿಯನು ಚುಂಬಿಸುವಂತೆ 

ಧುಂಬಿಯೊಂದು ಹೂವನು ಜೇನಿಗಾಗಿ ಮುತ್ತಿಕ್ಕಿದಂತೆ 

ನಿನ್ನ ನೆನಪು ಕಾಡುತಿದೆ ನನ್ನನು ಸುಡುವ ಬೆಂಕಿಯಂತೆ 

ಮಗು ತಾಯಿ ಮಡಿಲ ಸೇರಲು ಹಂಬಲಿಸುವ ಹಾಗೆ 

ಹೃದಯ ಬಯಸಿದೆ ನಿನ್ನದೊಂದು ಸಣ್ಣ ಬಿಸಿ ಅಪ್ಪುಗೆ 

ನಿದಿರೆಯಲು ಕಾಡುತಿದೆ ನಿನ್ನ ಸುಂದರ ಮುಗುಳ್ನಗೆ 

ಈ ಪ್ರೀತಿಯ ಎಲ್ಲರಂತೆ ಹೇಳಿಕೊಳ್ಳಲು ಬಾರದೆ ನನಗೆ 

ನೀ ಬರುವ ದಾರಿಯ ಕಾಯುತ ಉರುಳುತಿದೆ ಕಾಲ 

ತಯಾರಿಲ್ಲ ಇಲ್ಲಿ ಯಾರೂ ಕೊಡಲು ಸಮಯದ ಸಾಲ

ನಿನ್ನ ಸೇರಬೇಕೆಂಬುದೆ ನನಗಿರುವ ಒಂದೇ ಹಂಬಲ 

ಇನ್ನೂ ಹೆಚ್ಚು ತಾಳಲಾರೆ ಈ ವಿರಹದ ಕೋಲಾಹಲ

ಐ ಲವ್ ಯೂ...

ನೀ ಮುನಿಸಿಕೊಂಡರೆ ನಾನೂ ಸಹ ಮುನಿಸಿಕೊಳ್ಳುವೆ

ನೀ ನನ್ನ ಮೇಲೆ ರೇಗಿದರೆ ನಾನೂ ರೇಗುವೆ

ನೀ ನನ್ನ ಜೊತೆ ಜಗಳ ಮಾಡಿದರೆ ನಾನೂ ಜಗಳ ಆಡುವೆ

ನೀ ನನ್ನ ಜೊತೆ ಮಾತು ಬಿಟ್ಟರೆ ನಾನೂ ಮಾತು ಬಿಡುವೆ

ನೀ ನನ್ನ ಮರೆತರೆ ಮಾತ್ರ ನಾನು ನನ್ನ ಉಸಿರೇ ಬಿಡುವೆ

ನೀ ಕೇಳಿಸಿಕೊಳ್ಳುವುದಿಲ್ಲ ಎಂದರೂ ಕೂಗಿ ಹೇಳುವೆ

ಹೇ... ಹೇ... ಐ ಲವ್ ಯೂ...

ನೀ ನಿಲ್ಲುವುದಿಲ್ಲ ಎಂದರೂ ತಡೆದು ನಿಲ್ಲಿಸಿ ಹೇಳುವೆ

ಹೇ... ಹೇ... ಐ ಲವ್ ಯೂ...

ನೀನಾಡುವ ಪ್ರತಿ ಮಾತು ಕವಿತೆಯೆಂದು ಹೇಳಲಾರೆ

ವಿಶ್ವದಲ್ಲೇ ನೀ ಅತಿ ಹೆಚ್ಚು ಸುಂದರಿ ಎಂದು ಹೊಗಳಲಾರೆ

ನೀ ಸ್ನಾನ ಮಾಡುವಾಗ ನಾನು ಕದ್ದು-ಕದ್ದು ನೋಡಲಾರೆ

ನೀ ಮಾಡುವ ಸನ್ನೆಗಳನ್ನು ನಾನು ತಿಳಿಯಲಾರೆ

ನನ್ನ ಕನಸಿನಲ್ಲೂ ಸಹ ನಿನ್ನ ಕಾಣಲಾರೆ

ನಿನಗಾಗಿ ನಾನು ಓಡಿ ಬರಲಾರೆ

ನೀ ನನ್ನ ಮರೆತರೆ ಮಾತ್ರ ನಾನು ನನ್ನ ಉಸಿರೇ ಬಿಡುವೆ

ನೀ ಕೇಳಿಸಿಕೊಳ್ಳುವುದಿಲ್ಲ ಎಂದರೂ ಕೂಗಿ ಹೇಳುವೆ

ಹೇ... ಹೇ... ಐ ಲವ್ ಯೂ...

ನೀ ನಿಲ್ಲುವುದಿಲ್ಲ ಎಂದರೂ ತಡೆದು ನಿಲ್ಲಿಸಿ ಹೇಳುವೆ

ಹೇ... ಹೇ... ಐ ಲವ್ ಯೂ...

ನನ್ನ ಮುತ್ತುಗಳಿಂದ ನಿನ್ನ ಗುಳಿಕೆನ್ನ ಹಿಗ್ಗುವಂತೆ ಮಾಡುವೆ

ನಿನ್ನ ಉಪ್ಪು-ಮೂಟೆ ಹೊತ್ತುಕೊಂಡು ಲಾಲಿಸಿ ಮಲಗಿಸುವೆ

ಅರಳುವ ಹೂವಿನಂತೆ ಮಧುರವಾಗಿರುವ ಹಾಡು ಹಾಡುವೆ

ಭಾನುವಾರವೂ ಸಹ ರಜೆ ನೀಡದೆ ನಿನ್ನ ಪ್ರೀತಿ ಮಾಡುವೆ

ನಿನ್ನ ನಾಚಿಕೆ - ಅಂಜಿಕೆ ಲಜ್ಜೆಯನ್ನು ಇಲ್ಲವಾಗಿಸುವೆ

ನೀ ಕೊಡುವ ಎಲ್ಲಾ ನೋವನು ನಾ ತಾಳುವೆ

ನೀ ನನ್ನ ಮರೆತರೆ ಮಾತ್ರ ನಾನು ನನ್ನ ಉಸಿರೇ ಬಿಡುವೆ

ನೀ ಕೇಳಿಸಿಕೊಳ್ಳುವುದಿಲ್ಲ ಎಂದರೂ ಕೂಗಿ ಹೇಳುವೆ

ಹೇ... ಹೇ... ಐ ಲವ್ ಯೂ...

ನೀ ನಿಲ್ಲುವುದಿಲ್ಲ ಎಂದರೂ ತಡೆದು ನಿಲ್ಲಿಸಿ ಹೇಳುವೆ

ಹೇ... ಹೇ... ಐ ಲವ್ ಯೂ...

Translated from Tamil Song.

ನೀ ಜೊತೆಗಿದ್ದರೆ

ಕಾಮನಬಿಲ್ಲಿನ ರಂಗು ಸೂಸುವ

ನಿನ್ನ ಕಣ್ಣ ನೋಟಕೆ ನಾ ಸೋತೆ

ಮೊನಾಲಿಸಾ ಚಿತ್ರವ ನಾಚಿಸುವ

ನಗುವಿನ ಅಲೆಯ ಬಲೆಗೆ ಸಿಲುಕಿದೆ

ನನ್ನ ಸಂಪೂರ್ಣವಾಗಿ ನೀ ಆವರಿಸಿರುವೆ

ಕನಸಲೂ ಸಹ ನಿನ್ನೇ ನಾ ಕಾಣುವೆ

ಹೃದಯ ಸೋತು ಶರಣಾಗಿದೆ ನಿನಗೆ

ಮನದಲಿ ಏನೋ ಭಯವಿದೆ ಸಣ್ಣಗೆ

ನಿನಗೇಳಲು ಬಯಸಿದ ಸಾವಿರ ಮಾತು

ತುಟಿಯಂಚಲೆ ಕಾಯುತಿದೆ ನಿಂತು

ಆ ಮಾತು ಮೌನದಲಿ ಮಣ್ಣಾಗುವ ಮೊದಲು

ಬಳಿ ಬರಬಾರದೆ ನೀನೊಮ್ಮೆ ಕೇಳಲು

ನೀನೀಗ ನನ್ನೊಳಗೆ ತುಂಬಿರುವೆ

ನಾನು ನೀನಾಗಿ ಬದಲಾಗಿರುವೆ

ಜಗವನೇ ಗೆಲ್ಲುವೆ ನೀ ಜೊತೆಗಿದ್ದರೆ

ಹೆಚ್ಚು ಕಾಡಿಸದೆ ಬೇಗ ಬಳಿಬಾರೆ

ಗಂಡಸರು ದೂರವಿಡಲು ಬಯಸುವ ಐದು ಬಗೆಯ ಹೆಂಗಸರು

              ಹೆಂಗಸರು ತಮ್ಮ ಸಂಬಂಧವನ್ನು ಉಳಿಸಿಕೊಂಡು ಹೋಗುವುದರಲ್ಲಿ ತಾವೇ ಪ್ರಮುಖರು ಎಂಬುದನ್ನು ಸಾಬೀತು ಪಡಿಸುವುದಕ್ಕೋಸ್ಕರ ಗಂಡಸರ ಮೇಲೆ ಆರೋಪ ಹೊರಿಸಲು ತುದಿಗಾಲಿನಲ್ಲಿ ನಿಂತಿರುತ್ತಾರೆ ಮತ್ತು ಈ ವಿಷಯವಾಗಿ ಗಂಡಸರನ್ನು ಯಾವಾವಲೂ ನಿಂದಿಸುತ್ತಾರೆ. ಆದರೆ ಪ್ರತಿಬಾರಿಯೂ ಗಂಡಸರೇ ನಿಂದನೆಗೆ ಒಳಗಾಗಬೇಕಿಲ್ಲ. ಗಂಡಸರ ಬಗೆಗಿನ ಕೆಲವು ವಿಷಯಗಳನ್ನು ಹೆಂಗಸರು ಹೇಗೆ ಮೂದಲಿಸುತ್ತಾರೋ ಹಾಗೆಯೇ ಗಂಡಸರೂ ಸಹ ಹೆಂಗಸರು ಮಾಡುವ ಕೆಲವು ವಿಷಯಗಳನ್ನು ಇಷ್ಟಪಡುವುದಿಲ್ಲ ಮತ್ತು ಅವರಿಂದ ಸಾಧ್ಯವಾದಷ್ಟು ದೂರವಿರಲು ಬಯಸುತ್ತಾರೆ. ಗಂಡಸರು ದೂರವಿರಲು ಬಯಸುವ ಕೆಲವು ಬಗೆಯ ಹೆಂಗಸರು ಯಾರೆಂದರೆ:

1) ತುಂಬಾ ಹಚ್ಚಿಕೊಂಡಿದ್ದೇನೆ ಎಂದು ಬಾಯಿಮಾತಿನಲ್ಲಿ ಹೇಳುವವರು.

                ಇವರು ಗಂಡಸರಿಗೆ ತುಂಬಾ ಭಯ ಮತ್ತು ಅಂಜಿಕೆಯನ್ನು ಉಂಟುಮಾಡುವವರು. ಈ ಗುಂಪಿಗೆ ಸೇರಿದವರು ಯಾವಾಗಲೂ ಸಹ ತಾವು ಮದುವೆ ಮಾಡಿಕೊಳ್ಳುವುದರ ಬಗ್ಗೆ ತೀರಾ ಹತಾಶೆಯಿಂದ ಮಾತನಾಡುತ್ತಿರುತ್ತಾರೆ. ಯಾರನ್ನಾದರು ತುಂಬಾ ಹಚ್ಚಿಕೊಳ್ಳುವುದು ಎಂದರೆ ಅದು ಅಭದ್ರತೆ, ಅನುಮಾನ, ಸ್ವಾಧೀನತೆ ಮತ್ತು ಸ್ವಂತ-ಸದಭಿಪ್ರಾಯಗಳ ಮಿಶ್ರಣ. ಈ ರೀತಿಯ ಹೆಂಗಸರ ಬಗ್ಗೆ ಗಂಡಸರು ಸಂಭಂದದಲ್ಲಿ ತುಂಬಾ ಆಳವಾಗಿ ಹೋದಾಗ ಗುರುತಿಸುತ್ತಾರೆ. ಪ್ರಾರಂಭದಲ್ಲಿ ಇವರು ತುಂಬಾ ಸ್ವತಂತ್ರವಾಗಿರುವುದಾಗಿ ತೋರಲ್ಪಟ್ಟರೂ ಒಮ್ಮೆ ಒಂದು ಸಂಭಂದದಲ್ಲಿ ಸುರಕ್ಷಿತವಾಗಿದ್ದೇವೆ ಎಂದು ಅನಿಸಿದಾಗ ಅವರ ನಿಜವಾದ ಅವಶ್ಯಕತೆಗಳು ಸ್ಪಷ್ಟವಾಗಿ ಗೋಚರಿಸಲಾರಂಭಿಸುತ್ತವೆ.

2) ನಾನು, ನನ್ನದು, ನನಗೆ ಎನ್ನುವವರು.

                ಈ ಗುಂಪಿಗೆ ಸೇರಿದವರು ಒಂದು ಸವಾಲಿದ್ದ ಹಾಗೆ. ಗಂಡಸರು ಇವರಿಗೆ ಒಂದು ಅವಕಾಶ ಕೊಟ್ಟು ಇವರ ಮೇಲೆ ಗೆಲ್ಲಲು ಇಷ್ಟಪಡುತ್ತಾರೆ. ಇವರಿಗಿರುವ ಸ್ವಶಕ್ತಿಯ ಕಾರಣ ಕಮಿಟ್ ಆಗಲು ಎಂದಿಗೂ ಬಯಸುವುದಿಲ್ಲ ಆದರೆ ಇವರ ಶಕ್ತಿಗೆ ಮರುಳಾಗಿ ಈ ರೀತಿಯ ಹೆಂಗಸರ ಮೇಲೆ ಗೆದ್ದು ವಿಜಯಿಯಾಗಲು ಬಯಸುತ್ತಾರೆ. ಈ ಗುಂಪಿಗೆ ಸೇರಿದವರಿಗೆ ಗಂಡಸರಿಗಿರುವ ಸ್ಪರ್ಧಾತ್ಮಕತೆ ಮತ್ತು ಹೆಂಗಸರಿಗಿರುವ ಸೂಕ್ಷ್ಮತೆ ಎರಡೂ ಇರುತ್ತದೆ. ಕೆಲವು ಅವಸರದ ಸಂದರ್ಭದಲ್ಲಿ ಇವರು ವ್ಯಾಮೋಹಕತೆಯಿಂದ ಭಾವುಕರಾಗಿ ಬದಲಾಗಬಲ್ಲರು. ವಾಸ್ತವವಾಗಿ ಹೇಳಬೇಕೆಂದರೆ ಇವರು ಗಂಡಸರ ಬಗೆಗಿನ ತಮ್ಮ ದ್ವೇಷವನ್ನು ನೋವನ್ನು ಉಂಟುಮಾಡಿಕೊಳ್ಳುವುದರಿಂದ ದೂರವಿರಿಸಿಕೊಳ್ಳಲು ಒಂದು ಬಗೆಯ ರಕ್ಷಣಾ ಫಲಕವಾಗಿ ಉಪಯೋಗಿಸಿಕೊಳ್ಳುತ್ತಾರೆ.

3) ನಾನೇ ಪರಮಶ್ರೇಷ್ಠಳು ಎಂದುಕೊಂಡಿರುವವರು.

                ಯಶಸ್ವೀ ಮಹಿಳೆಯರು ತಮ್ಮನ್ನು ಅಳಿವಿನಂಚಿನಲ್ಲಿರುವವರಂತೆ ಕಾಣುತ್ತಾರೆ ಎಂದು ಕೆಲವು ಗಂಡಸರು ಅಭಿಪ್ರಾಯ ಪಡುತ್ತಾರೆ. ತುಂಬಾ ಹೆಂಗಸರು ತಾವೇ ಸಂಪಾದನೆಯನ್ನು ಮಾಡುವುದರಿಂದ, ಸ್ವಂತ ಮನೆಯನ್ನು ಹೊಂದಿರುವುದರಿಂದ ಮತ್ತು ಒಳ್ಳೆಯ ಸಾಮಾಜಿಕ ಜೀವನವನ್ನು ನಡೆಸುತ್ತಿರುವುದರಿಂದ ತಮ್ಮನ್ನು ಸಂತೋಷವಾಗಿರಿಸಲು ಯಾವ ಗಂಡಸರ ಸಹಾಯವೂ ಬೇಡ ಎಂದು ಪದೇಪದೇ ಹೇಳುತ್ತಿರುತ್ತಾರೆ. ಇವರು ಗಂಡಸರ ಮೇಲೆ ಅವಲಂಭಿತರಾಗಲು ಬಯಸುವುದಿಲ್ಲ. ಇದೇ ವಿಷಯವೇ ಗಂಡಸರು ಇವರನ್ನು ದೂರವಿಡಲು ಕಾರಣ. ಕಂಡಿತವಾಗಿಯೂ ಗಂಡಸರೂ ಸಹ ತಮ್ಮ ಮೇಲೆ ಸಂಪೂರ್ಣವಾಗಿ ಅವಲಂಭಿತರಾಗುವ ಹೆಂಗಸರನ್ನು ಇಷ್ಟಪಡುವುದಿಲ್ಲ. ಆದರೆ ತಮ್ಮ ಮೇಲೆ ತಮಗೆ ಸಂಪೂರ್ಣ ವಿಶ್ವಾಸವಿದ್ದರೂ ಸಹ ತಮ್ಮನ್ನು ತಾವು ಗಂಡಸರ ಮೇಲೆ ಅವಲಂಭಿತರಾಗುವಂತೆ ಮಾಡಿಕೊಳ್ಳುವ ಹೆಂಗಸರನ್ನು ಗಂಡಸರು ತುಂಬಾ ಪ್ರೀತಿಸುತ್ತಾರೆ ಮತ್ತು ಶ್ಲಾಘಿಸುತ್ತಾರೆ.

4) ವಟಗುಟ್ಟುವ ಪೆಟ್ಟಿಗೆಯಂತವರು (ವಾಚಾಳಿಗಳು).

                ಗಂಡಸರ ಪ್ರಕಾರ ಅತಿಯಾಗಿ ಮಾತನಾಡುವ ಹೆಂಗಸರು ಒಳ್ಳೆಯವರೂ ಅಲ್ಲ ಹಾಗೆಯೇ ಕೆಟ್ಟವರೂ ಅಲ್ಲ. ತುಂಬಾ ಹೆಂಗಸರು ಅತಿಯಾಗಿ ಮಾತನಾಡುವ ಆರೋಪವನ್ನು ಎದುರಿಸುತ್ತಾರೆ. ಹೆಂಗಸರ ಪ್ರಪಂಚದಲ್ಲಿ ಎಲ್ಲರೂ ಒಟ್ಟಿಗೆ ಮಾತನಾಡುತ್ತಾರೆ. ಗಂಡಸರ ಪ್ರಪಂಚದಲ್ಲಿ ಒಬ್ಬರು ಮಾತನಾಡಿ ಮುಗಿಸುವವರೆಗೂ ಮತ್ತೊಬ್ಬರು ಮಾತನಾಡುವುದಿಲ್ಲ ಮತ್ತು ಮಾತನಾಡಿತ್ತಿರುವವರಿಗೆ ಅಡಚಣೆ ಉಂಟುಮಾಡುವುದಿಲ್ಲ. ಹಾಗಾಗಿಯೇ ಹೆಂಗಸರು ಕೇಳಿದ ಪ್ರಶ್ನೆಗೆ ಗಂಡಸರು ಉತ್ತರಿಸುತ್ತಿರುವಾಗ ಆಕೆ ಮಧ್ಯ ಪ್ರವೇಶಿಸಿ ತನ್ನ ಅಭಿಪ್ರಾಯವನ್ನು ಹೇಳಲು ಪ್ರಾರಂಭಿಸಿದಾಗ ಗಂಡಸರು ಮಾತನಾಡುವುದನ್ನು ಅಲ್ಲಿಗೇ ನಿಲ್ಲಿಸಿಬಿಡುತ್ತಾರೆ.

5) ನನ್ನ ಮನಸ್ಸನ್ನು ಓದಿ ಎನ್ನುವವರು.

                ಕೆಲವು ಕಾರಣಕ್ಕಾಗಿ ಹೆಂಗಸರು ತಾವು ಯಾವಾಗಲು ಏನನ್ನು ಯೋಚಿಸುತ್ತೀದ್ದೇವೆ ಎಂಬುದನ್ನು ಗಂಡಸರು ತಾವಾಗಿಯೇ ತಿಳಿದುಕೊಳ್ಳಲಿ ಎಂದು ನಿರಿಕ್ಷಿಸುತ್ತಾರೆ. ಇದರ ಪರಿಣಾಮವಾಗಿ ಆಕೆ ಆತನನ್ನು ನಿರಂತರವಾಗಿ ಪರೀಕ್ಷಿಸುತ್ತಿರುತ್ತಾಳೆ. ಅವನ ಪ್ರತಿಕ್ರಿಯೆಯನ್ನು ಪ್ರೀತಿಯ ಮಟ್ಟವನ್ನು ಅಳೆಯುವ ಒಂದು ಮಾನದಂಡವಾಗಿ ಉಪಯೋಗಿಸುತ್ತಾಳೆ. ಈ ರೀತಿಯ ನಡವಳಿಕೆ ಗಂಡಸರಿಗೆ ತುಂಬಾ ಕಿರಿಕಿರಿ ಉಂಟುಮಾಡುತ್ತದೆ ಮತ್ತು ಕೆಲವೇ ಕೆಲವು ಗಂಡಸರು ಮಾತ್ರ ಈ ಬಗೆಯ ಸತತವಾದ ಕಿರಿಕಿರಿಯನ್ನು ತಾಳ್ಮೆಯಿಂದ ಸಹಿಸಿಕೊಂಡು ಬದುಕುತ್ತಾರೆ.

ಓ ಗೆಳತಿ...!

ನನ್ನ ಪ್ರತಿ ಯೋಚನೆ, ಆಲೋಚನೆಯಲು ನೀನೆ

ನಮ್ಮ ಈ ಸ್ನೇಹವಾ... ನಾ ಎಂದೂ ಬಿಡೆನೆ ||

ಮರೆತುಬಿಟ್ಟೆ ನನ್ನನ್ನೆ ನಾ

ಅಳಿಸಲಾಗದ ನೆನೆಪೆ ನೀನಾ

ಬೇರ್ಪಡಿಸಲಾಗದ ಸ್ನೇಹ ಇದು

ನನಗೆ ನೀ ಏಳೇಳು ಜನ್ಮದ ಬಂಧು

ನನ್ನೊಳಗೆಲ್ಲಾ ನಿನ್ನ ಆಲೋಚನೆಯೆ ತುಂಬಿದೆ

ಇದು ನಾನೇನಾ ಎಂಬ ಅನುಮಾನ ಬಂದಿದೆ

ನನ್ನ ಲೋಕ ಕಿರಿದಾಗಿದೆ, ನನ್ನ ವೈಖರಿ ಬದಲಾಗಿದೆ

ನಿನ್ನ ತುಂಟತನಕೆ ನಗುತ ತಾಳ ಹಾಕಿದೆ

ನನ್ನ ದಾರಿ ತಪ್ಪಿದೆ ನಿನ್ನ ಹಿಂದಿಂದೆ ನಡೆದಿದೆ

ಓ ಗೆಳತಿ, ನಿನ್ನ ಹೆಜ್ಜೆಯನ್ನೇ ಹಿಂಬಾಲಿಸಿದೆ

ನೂರು ವರುಷ ನಿನ್ನ ಹೀಗೆ ನೋಡೋ ಆಸೆ ಸಾಲದೆ

ಹೇಗೆ ಮುಂದೆ ಮಿಡಿಯಲಿಯೆಂದು ನನ್ನ ಹೃದಯ ಕೇಳಿದೆ

ನನ್ನ ಕನಸಿನಿಂದ ನೀ ದೂರ ಹೋಗಲು ಬಿಡದೆ

ನಿದಿರೆಯಲ್ಲೇ ಕಟ್ಟಿ ಹಾಕುವೆ ರೆಪ್ಪೆ ತೆರೆಯದೆ

ಮತ್ತೆ ಯಾರಿಗೂ ನಿನ್ನ ತೋರಿಸದೆ ನನ್ನೊಳಗೆ ಬಚ್ಚಿಡುವೆ

ನನ್ನ ಉಸಿರನೇ ಉಯ್ಯಾಲೆ ಮಾಡಿ ನಿನ್ನ ತೂಗುವೆ

ನನ್ನ ಪ್ರತಿ ಯೋಚನೆ, ಆಲೋಚನೆಯಲು ನೀನೆ

ನಮ್ಮ ಈ ಸ್ನೇಹವಾ... ನಾ ಎಂದೂ ಬಿಡೆನೆ ||

ಹುಟ್ಟುಹಬ್ಬದ ಶುಭಾಷಯಗಳು

ನಿನ್ನ ನಾನು ಕಂಡ ಒಡನೆ; ರೆಕ್ಕೆ ಬಂದ ಹಕ್ಕಿಯಾದೆ

ನಿನ್ನ ನಗುವ ಹೊಳಪಿನೊಳಗೆ; ಇಡೀ ಜಗವ ನಾ ಮರೆತೆ

ಒಂದು ಕ್ಷಣದಲ್ಲೇ ನೀ ನನಗೆ ಕಾಮನಬಿಲ್ಲಾದೆ

ಆ ಮರು ಕ್ಷಣವೆ ನಾ ಸೋತು ನಿನಗೆ ದಾಸನಾದೆ

ಹೇ ಸುಂದರಿಯೇ, ವಿಶ್ವ ಸುಂದರಿಯೇ

ಯಾರು ಇಲ್ಲ ನಿನ್ನ ಹಾಗೆ

ಬಾರೆ ಬಳಿಗೆ, ನನ್ನ ಮನದೊಳಗೆ

ಇರುವ ಎಂದೂ ಜೊತೆಯಾಗಿ

ದೇವತೆಯ ಶಿಲ್ಪವು ಜೀವ ಪಡೆದು ಭೂಮಿಯಲ್ಲಿ ನಡೆದಂತಿದೆ

ನಿನ್ನ ಆ ಗಾನ - ನಾಟ್ಯವ ಕಂಡು ನಾ ಕರಗಿ ನೀರಾದೆ

ನೀ ನಡೆದು ಹೋದ ದಾರಿಯೆಲ್ಲಾ ರಂಗೋಲಿ ಹಾಕಿದಂತಿದೆ

ನಿನ್ನ ಒಂದು ಸಣ್ಣ ಮಾತು ಕೇಳಲು ನನ್ನ ಹೃದಯ ಕಾಯುತಿದೆ

ಕತ್ತಲೆಯ ನೀಗಿಸುವ ಹಾಗೆ ನಿನ್ನ ಸೌಂದರ್ಯ ಹೊಳೆಯುತಿದೆ

ಇಡೀ ಜಗದ ಸೌಂದರ್ಯವೇ ನಿನ್ನ ಕಣ್ಣ ಮಿಂಚಲ್ಲಿದೆ

ನಿನ್ನ ಸೇರಲು ನನ್ನ ಪಯಣ ನಿನ್ನ ಬಳಿಗೇ ಸಾಗಿದೆ

ನೀ ಸಿಗದೆ ಈ ದಾರಿಯೂ ನಡೆದು ನಡೆದು ಸಾಕಾಗಿದೆ

ನಿನ್ನ ಈ ಅಂದದಿಂದ

ನನ್ನ ಹೃದಯ ತನ್ನ ಸ್ಥಿತಿಯ

ಮರೆತು ಮರೆತು

ನಿನ್ನ ಬಳಿಗೆ ಬರುತಿದೆ

ನಿನ್ನ ನೋಡಲು ಕಾದಿದೆ