ಪುಟ್ಟ ಕಣ್ಣ ಸನ್ನೆ

ನಿನ್ನ ಜೊತೆ ಶುರುವಾಗಿದೆ ಪ್ರೀತಿಯ ಸಂಬಂಧ

ಎಷ್ಟೇ ಜನ್ಮ ಕಳೆದರೂ ಅಳಿಸಲಾಗದು ಈ ಬಂಧ

ಹೇಳ ತೀರಲಾಗದು ನನಗಾಗುತಿರುವ ಆನಂದ

ಕೊನೆಯವರೆಗೂ ಸಾಗುತಿರಲಿ ನಲ್ಮೆಯ ಅನುಬಂಧ

ನೆನ್ನೆವರೆಗೂ ಒಂಟಿಯಾಗಿ ಇದ್ದೆ ನಾ

ನಿನ್ನ ಸನಿಹದೀ ಪುಳಕಗೊಂಡಿದೆ ಮನ

ಆ ಪುಟ್ಟ ಕಣ್ಣ ಸನ್ನೆಯಲೇ ಕೊಡು ಪ್ರೀತಿಯ ಆಹ್ವಾನ

ನಿನ್ನ ಜೊತೆಯೇ ಕಳೆಯುವೆ ಎಲ್ಲಾ ನಾಳೆಯ ಜೀವನ

ಹೊಸ ಆಸೆ ಚಿಗುರೊಡೆದಿದೆ ನನ್ನ ಮನದಲಿ

ಮಗುವಾಗಿ ಮಲಗುವಾಸೆ ನಿನ್ನ ಮಡಿಲಲಿ

ಬೇರೆಲ್ಲ ಶೂನ್ಯ ನೀನಿರುವಾಗ ಜೊತೆಯಲಿ

ಹಾರೋಣ ಬಾ ಹಕ್ಕಿಗಳಾಗಿ ನೀಲಿ ಬಾನಲಿ

ನನ್ನ ಖುಷಿಯನು ನಿನಗಂಚುವೆ

ನಿನ್ನ ನೋವನು ನಾ ಭರಿಸುವೆ

ನಿನ್ನ ಹೊರತು ಬೇರೇನೂ ಈಗ ನಾ ಕಾಣೆ

ನನ್ನೆಲ್ಲಾ ಜನ್ಮಕು ಇನ್ನು ಸಂಗಾತಿ ನೀನೆ