ಪುಟ್ಟ ಮಗುವಂತೆ

ನಿನ್ನಂದಕೆ ಮನಸೋತೆ ನಾನು 

ನನ್ನ ಈ ಕಾವ್ಯದ ಭಾವ ನೀನು 

ನನ್ನಿಂದ ನೀನೆಷ್ಟೇ ದೂರ ಹೋದರು 

ಮರೆಯಲಾರೆ ನೀ ನನ್ನ ಮರೆತರೂ 

ಸೂರ್ಯ ರಶ್ಮಿಯ ಸ್ಪರ್ಶಕೆ ಹೂ ಅರಳಿದಂತೆ 

ನಿನ್ನ ನಗುವ ಸ್ಪರ್ಶಕೆ ನನ್ನ ಮನ ಅರಳಿತು 

ನದಿಯು ಓಡಿ ಕಡಲ ಅಪ್ಪಿ ಸೇರುವಂತೆ 

ನಿನ್ನ ಉಸಿರಲಿ ನನ್ನ ಜೀವ ಬೆರೆಯಿತು 

ನನ್ನ ಎದೆಯ ಗೂಡ ತೊಟ್ಟಿಲಲಿ 

ನಿನ್ನ ತೂಗುವೆ ಪುಟ್ಟ ಮಗುವಂತೆ 

ಕಳೆದೊಗುವ ಇಬ್ಬರೂ ಕಾಣದ ಊರಿನಲಿ 

ಈ ಲೋಕದ ಜನರ ಕೈಗೆ ನಿಲುಕದಂತೆ 

ಕನಸಲೂ ನಾ ಕಾಣಬಯಸುವೆ ನಿನ್ನನೇ 

ನಿನ್ನ ಸನಿಹದ ಹೊರತು ಬೇರೇನೂ ಬೇಡೆನು 

ನೀ ಜೊತೆಗಿದ್ದರೆ ನಾ ಮರೆಯುವೆ ಈ ಜಗವನೆ 

ನಿನಗಾಗಿ ಮುಡಿಪಿಟ್ಟಿರುವೆ ನನ್ನ ತನು-ಮನವನು

ನಿನ್ನ ಗಾನ

ಭಾವುಕನಾದೆ ಹಳೆಯ ನೆನಪುಗಳ ರಾಶಿಯಲಿ ಸಿಲುಕಿ 

ಕಣ್ಣೀರು ಬರುತಿದೆ ಬೋರ್ಗೊರೆವ ಪ್ರವಾಹದಂತೆ ಉಕ್ಕಿ 

ಮಾತುಗಳೆಲ್ಲಾ ಮೌನವಾಗಿ 

ಮನಸು ಒಡೆದು ಚೂರಾಗಿ 

ಹೃದಯ ಬಿಕ್ಕಿ ಅಳುತಿದೆ ಜೋರಾಗಿ 

ಕಣ್ಣು ಹೆಕ್ಕಿ ಹುಡುಕುತಿದೆ ನಿನಗಾಗಿ 

ನಿನ್ನ ಬೆಚ್ಚನೆಯ ಅಪ್ಪುಗೆಯಿಲ್ಲದೆ 

ಎದೆಯ ಬಡಿತ ಏರು-ಪೇರಾಗಿದೆ 

ಮುಂದೆ ಸಾಗಲು ದಾರಿ ಮರೆತು 

ನಿನ್ನ ನೆನಪಲಿ ನಾ ಹೋದೆ ಕಳೆದು 

ನೀ ಮರಳಿ ಬರುವೆ ಎಂಬ ನಂಬಿಕೆಯಲಿ 

ನೋವಲ್ಲೂ ನಗುತಿರುವೆ ಯಾಂತ್ರಿಕವಾಗಿ 

ಮನಸು ಬದಲಿಸಿ ನನ್ನ ಅರಸಿ ಬಾ ತಿರುಗಿ 

ನೀ ಜೊತೆಯಲ್ಲಿ ಇರದೆ ನಾ ಹೇಗೆ ಬದುಕಲಿ 

ಕಾರಣ ತಿಳಿಸದೆ ನೀ ನನ್ನ ತೊರೆದೆ 

ನಿನ್ನ ಅಗಲಿಕೆಯ ಬೇಸರ ತಾಳದೆ 

ಹೃದಯ ಹೊಂದಿದೆ ಅಕಾಲಿಕ ಮರಣ

ಮರೆಯದು ಮನ ಎಂದಿಗೂ ನಿನ್ನ ಗಾನ

ಬಡ ಹೃದಯ

ನೀ ತೆಗದುಕೊಳ್ಳುವ ಪ್ರತಿ ಉಸಿರನೂ

ನಿನ್ನ ಪ್ರತಿ ಚಲನ - ವಲನಗಳನೂ

ನೀ ನಡೆಯುವ ಪ್ರತಿ ಹೆಜ್ಜೆಯನೂ

ನಿನ್ನ ಪ್ರತಿಯೊಂದು ಮಾತುಗಳನೂ

ನಾ ನೋಡುತಿರುವೆ...

ಓ ಹುಡುಗಿಯೇ ನಿನಗಿದು ತಿಳಿಯದೆ

ನೀ ನನಗೆ ಮಾತ್ರ ಸೇರಿರುವ ಸ್ವತ್ತು

ನನ್ನ ಬಡ ಹೃದಯ ಬಳಲಿ ಸೋತಿದೆ

ನಿನ್ನ ಬರುವಿಕೆಗೆ ಕಾದು ಕುಳಿತು

ನೀ ನನ್ನ ತೋರೆದು ಹೋದ ಕ್ಷಣದಿಂದ

ಗುರುತೇ ಸಿಗದಂತೆ ಕಳೆದೋಗಿರುವೆ

ರಾತ್ರಿ ಕಾಣುವ ಕನಸಿನಲ್ಲೂ

ನಿನ್ನ ಮುಖವನು ಮಾತ್ರ ಕಾಣುವೆ

ಕಿವಿ ಮೇಲೆ ಬೀಳುವ ಎಲ್ಲ ಶಬ್ದದಲೂ

ನಿನ್ನ ಮುದ್ದಾದ ನಗುವನೇ ಕೇಳುವೆ

ನಿನ್ನ ಕಣ್ಣಲ್ಲಿ ನನ್ನ ಕಣ್ಣಿಟ್ಟು

ನಿನ್ನ ಪುಟ್ಟ ಹೃದಯವ ನನ್ನ ಹೃದಯದಲಿ ಬಚ್ಚಿಟ್ಟು

ಹಣೆಯ ಮೇಲೊಂದು ಸಿಹಿ ಮುತ್ತಿಟ್ಟು

ಉಳಿಸಿಕೊಳ್ಳುವೆ ಪ್ರೀತಿಯ ಪ್ರಾಣವನೇ ಪಣಕಿಟ್ಟು

ತುಂತುರು ಮಳೆ

ಬೆಳದಿಂಗಳೆ ಇವಳಿಗೆ ಸ್ವಲ್ಪ ತಿಳಿಸಮ್ಮ

ನನ್ನ ಮಾತು ಈಕೆಗೆ ಕೇಳುತ್ತಿಲ್ಲಮ್ಮ

ನಕ್ಷತ್ರವೆ ಇವಳನ್ನೊಮ್ಮೆ ನೋಡಮ್ಮ

ನಿನ್ನ ಸೋದರಿಗೆ ಮಾತನಾಡಲು ಹೇಳಮ್ಮ

ಕಾರ್ಮೋಡದ ಕತ್ತಲೆಯಲ್ಲೂ ಸಹ

ಮಿಂಚಿನ ಹೊಳಪು ಮೂಡುವುದು

ಬೇಸಿಗೆಯ ಬಿಸಿಲ ಬೇಗೆಯಲ್ಲೂ

ತುಂತುರು ಮಳೆ ಬೀಳುವುದು

ಓ ಹೆಣ್ಣೇ ನಿನ್ನ ಮೊಗದಲ್ಲಿ

ನಾ ಸಣ್ಣ ನಗು ಕಾಣುವುದೆಂದು

ಈ ಚಳಿಯಲ್ಲಿ ಬೀಸುವ ತಣ್ಣನೆ ಗಾಳಿ

ಹೊತ್ತು ತಂದಿದೆ ನಿನ್ನೆಸರ ನನ್ನ ಬಳಿ

ನಿನ್ನ ಪ್ರೀತಿಯ ಸುಮಧುರ ಗಾನವ ಕೇಳಿ

ನನ್ನ ಮನ ಕಳೆದೊಗಿದೆ ಅದರಲಿ ತೇಲಿ

ಪ್ರಾಣಕ್ಕಿಂತ ಹೆಚ್ಚಾಗಿ ನಿನ್ನ ಪ್ರೀತಿಸುವೆ

ಪ್ರತಿ ಉಸಿರಲ್ಲೂ ನಿನ್ನೆಸರ ಜಪಿಸುವೆ

ಎದೆಬಡಿತವ ನಿನಗೆ ಮುಡಿಪಾಗಿಟ್ಟಿರುವೆ

ಮುದ್ದು ನಗುವೊಂದೆ ಸಾಕು ಜಗವ ಗೆಲ್ಲುವೆ

ಓ ನನ್ನ ಮುದ್ದು ಗುಣವತಿ

ನಿನ್ನ ಮಾತಿಲ್ಲದೆ ಬರಡಾಗಿದೆ ನನ್ನ ಸ್ಥಿತಿ

ಮಹಾರಾಣಿ

ನಿನ್ನ ನೆನಪುಗಳ ರಾಶಿಯಲಿ ನಾ ಕಳೆದೊಗಿರುವೆ

ಎಲ್ಲಿ ಎಂದು ಹುಡುಕಲಿ ನನಗೆ ತಿಳಿಯದಾಗಿದೆ

ಕನಸೆಂಬ ಮರಳುಗಾಡಲಿ ಅಲೆದಾಡುತಿರುವೆ

ನನ್ನ ಈ ಪಯಣಕೆ ಕೊನೆಯೆಂದು ತಿಳಿಯದೇ

ನನ್ನೆದೆಯ ಪ್ರೇಮದರಮನೆಗೆ ನೀ ಮಹಾರಾಣಿ

ನನ್ನ ಪ್ರತಿ ಮಿಡಿತವ ಆಳುತಿರುವ ಯಜಮಾನಿ

ಮಿಂಚಿನಂತಿರುವ ನಿನ್ನ ಕಣ್ಣೋಟದ ಆ ಬಾಣ

ಹೃದಯವನು ಗಟ್ಟಿಯಾಗಿ ತಾಕಿ ಮಾಡಿದೆ ನಿತ್ರಾಣ

ನಿನ್ನ ಪ್ರೀತಿಗಾಗಿ ನನ್ನ ಮನ ಮಾಡುತಿರುವ ಯುದ್ಧದಲಿ

ಸೋಲನೆಂದೂ ಕಾಣದೆ ನಾನಾಗ ಬಯಸುವೆ ಜಯಶಾಲಿ

ನಮ್ಮಿಬ್ಬರ ಬೇರ್ಪಡಿಸಲು ಶತ್ರುಗಳೆಷ್ಟೇ ಬಂದರೂ

ಕಾವಲಿಗೆ ನಾನಿರುವೆ ನೀನೆಂದೂ ನಗುತಿರು

ಹೇ ಹುಡುಗಿ

ಹೇ ಹುಡುಗಿ, ಒಮ್ಮೆ ತಿರುಗಿ ನನ್ನ ನೋಡು

ಹೃದಯದ ತಾಳಕೆ ಪದಗಳ ಜೋಡಿಸಿ

ಬರೆದಿರುವೆ ನಿನಗಾಗಿ ಒಂದು ಹಾಡು

ನೀನೆ ನನ್ನ ಸ್ವಾತಿಯ ಮುತ್ತು

ಕೇಳದೆ ನಿನಗೆ ಪ್ರೀತಿಯ ಮಾತು

ಬಾಳೊಣ ಬಾ ಒಟ್ಟಿಗೆ ಬೆರೆತು

ಈ ಜಗವ ನಾವು ಮರೆತು

ನಿನ್ನ ನಗುವಲೆ ನಾ ಕಾಣುವೆ ಸ್ವರ್ಗ

ಸಾಕೆನಗೆ ನಿನ್ನೊಲುಮೆಯ ಸಂಗ

ನಿನಗೆಂದೆ ಇರುವುದು ನನ್ನ ಅಂತರಂಗ

ನೀನಿರದ ಬದುಕು ನನಗೆ ರಣರಂಗ

ಗಾಳಿಯಲಿ ಸೌಗಂಧ ಬೆರೆತಂತೆ

ಹಾಲು-ಜೇನುಗಳೆರಡು ಕಲೆತಂತೆ

ನಿನ್ನ ಕೂಡಿ ಬದುಕುವಾಸೆ ನನಗೆ

ಬೆಳದಿಂಗಳಾಗಿ ಬಾ ನನ್ನ ಬದುಕಿಗೆ