ಹೇ ಹುಡುಗಿ

ಹೇ ಹುಡುಗಿ, ಒಮ್ಮೆ ತಿರುಗಿ ನನ್ನ ನೋಡು

ಹೃದಯದ ತಾಳಕೆ ಪದಗಳ ಜೋಡಿಸಿ

ಬರೆದಿರುವೆ ನಿನಗಾಗಿ ಒಂದು ಹಾಡು

ನೀನೆ ನನ್ನ ಸ್ವಾತಿಯ ಮುತ್ತು

ಕೇಳದೆ ನಿನಗೆ ಪ್ರೀತಿಯ ಮಾತು

ಬಾಳೊಣ ಬಾ ಒಟ್ಟಿಗೆ ಬೆರೆತು

ಈ ಜಗವ ನಾವು ಮರೆತು

ನಿನ್ನ ನಗುವಲೆ ನಾ ಕಾಣುವೆ ಸ್ವರ್ಗ

ಸಾಕೆನಗೆ ನಿನ್ನೊಲುಮೆಯ ಸಂಗ

ನಿನಗೆಂದೆ ಇರುವುದು ನನ್ನ ಅಂತರಂಗ

ನೀನಿರದ ಬದುಕು ನನಗೆ ರಣರಂಗ

ಗಾಳಿಯಲಿ ಸೌಗಂಧ ಬೆರೆತಂತೆ

ಹಾಲು-ಜೇನುಗಳೆರಡು ಕಲೆತಂತೆ

ನಿನ್ನ ಕೂಡಿ ಬದುಕುವಾಸೆ ನನಗೆ

ಬೆಳದಿಂಗಳಾಗಿ ಬಾ ನನ್ನ ಬದುಕಿಗೆ